4-ma'ruza. Xavfli yuklarni tashishda avariya kartochkasining o‘rni. Reja - 4.1 Umumiy qoidalar
- 4.2 Avariya kartochkasining roli (o‘rni)
- 4.3 Tarkibida xavfli yuk ortilgan vagonlari bo‘lgan poezd mashinistining peregonda avariyaviy vaziyat yuzaga kelgandagi harakatlari
4.1 Umumiy qoidalar - Xavfli yuklar bilan ularni temir yo‘l orqali tashish jarayonida ro‘y bergan avariyaviy vaziyatlarni bartaraf etish tartibi temir yo‘l ma'muriyati tomonidan davlatning vakolatli organlari bilan kelishgan holda belgilanadi.
- Avariyaviy vaziyat – yuklarni normal tashish sharoitlaridan farqli, xavfli moddaning o‘t olishi, oqib ketishi, to‘kilishi, xavfli yuk solingan idish yoki harakatlanuvchi tarkibning shikastlanishi bilan bog‘liq, portlash, yong‘in, zaharlanish, nurlanish, kasallanish, kuyishlar, sovuq urishi, odamlar yoki jonivorlarning halok bo‘lishi, tabiiy muhit uchun xavfli oqibatlarga olib kelishi mumkin bo‘lgan sharoitlar, shuningdek temir yo‘lda avariya hududida xavfli yuklar ortilgan vagonlar, konteynerlar yoki yuk o‘rinlari qolib ketgan holatlar.
Do'stlaringiz bilan baham: |
