5-Mavzu: Watermarking tizimlarini qurish usullari

Embedderlarda oldindan invertlangan o‘zgarishlar asosida. Ba’zi tizimlarda belgi qo‘yilgan kontentga bo‘lishi mumkin bo‘lgan o‘zgarishlar oldindan ma’lum bo‘ladi. Masalan, video ma’lumotlarni o‘quvchi DVD qurilmasi foydalanuvchi talablariga asosan high-definition television (HDTV) (rasm o‘lchami 16:9), NTSC va PAL (rasm o‘lchamlari 4:3) standartlarini o‘qish imkoniyatiga egaligi aytilgan bo‘lsin (5.2-rasm). Agar watermarking belgisi widescreen (16:9) holati uchun qo‘yilgan bo‘lsa, unda detektor bu holatdagi kontentdan belgini aniqlay oladi. Ammo, NTSC va PAL holatlari uchun u belgini aniqlay olmaydi. Sababi, ushbu holatda o‘tkazish uchun kontentga turli geometrik o‘zgarishlar olib boriladi.
Demak, yuqoridagi hol uchun haqiqiy kontentdagi belgini ikki holat NTSC va PAL standartiga o‘tkazilgan holda ham o‘zgarmasligi talab etiladi. Buning uchun esa NTSC va PAL standartiga o‘tkazishda qo‘yilgan belgiga ta’sir etmaydigan geometrik o‘zgarishlarlarni amalga oshirishning o‘zi etarli. Boshqa so‘z bilan aytganda, Embedderlarda oldindan invertlangan o‘zgarishlar asosida bardoshlilikni ta’minlashda oldingan bo‘lishi mumkin bo‘lgan o‘zgarishlar aniqlanadi va qo‘yilgan belgini ushbu o‘zgarishlarga qarshi tura olishi ta’minlanadi.



5.2-rasm. DVD da mavjud uch turdagi fayl turlari

Embedderlarda oldindan invertlangan o‘zgarishlar asosida bardoshlilikni ta’minlashda quyidagi uchta bosqichdan foydalaniladi:

- Haqiqiy kontentga kutilishi mumkin bo‘lgan o‘zgarishni amalga oshirish (NTSC yoki PAL holatiga o‘tkazish);
- O‘zgartirilgan kontentga belgini qo‘yish. Bu holda embedder kontent o‘zgartirilganligini bilmaydi. U belgini o‘zgarmagan kontentga qo‘ygan kabi buni amalga oshiradi.
- Belgi mavjud o‘zgartirilgan kontent ustida invert o‘zgartirish amalga oshiriladi.
Ushbu usul invertlash to‘g‘ri amalga oshirilmagan holda aniqlilik xususiyatini kamayishiga olib keladi. Shuning uchun yuqoridagi ketma- ketlikning oxirgi bosqichida ba’zi o‘zrartirishlarni kiritish talab etiladi. Boshqa so‘z bilan aytilganda jarayon biroz murakkablashtiriladi:
- Haqiqiy kontentdan nusxa olinadi va uning ustida kutilgan o‘zgarish amalga oshiriladi va c_d qiymat olinadi;
- O‘zgartirilgan kontentga watermarking belgisi qo‘yiladi va c_dw hosil qilinadi;
- c_d ga qo‘shili kerak bo‘lgan qiymat topiladi;
- Haqiqiy kontentga qo‘yilishi kerak bo‘lgan w_a belgini topish uchun w_a kattalikni invertlanadi;
- Nihoyat, olingan w_a belgi c₀ kontentga biriktirilib, c_w qiymat olinadi.
Agar c_w kontentga kutilgan o‘zgartirishlar amalga oshirilganda, detektor tomonidan c_dw belgiga teng bo‘lgan belgi aniqlanadi.

5.3-rasm. Belgini biriktirish jarayoni