5-tema: PedagogikalÍq sistemalardÍ sal

Birinshi basqıshta /1997-2001/ pedagogika hám ilimiy pedagogikalıq kadrlar tayarlaw, olardıń kásiplik sheberligin asırıw zaman talaplarına juwap beretuǵın dárejede shólkemlestiriw, tálim alıwshılardıń joqarı tayarlıq dárejesi, ruwxıy morallıq oy-órisiniń sıpatına tiyisli qoyılatuǵın talaplardı belgilep beriwshi mámleketlik tálim standartların islep shıǵıw hám ámelge asırıw tiykarında milliy dástúrlerdi qolǵa alıw, jol jobaǵa anıqlıq kirgiziledi.
Ekinshi basqıshta /2001-2005/ májbúriy ulıwma orta hám ulıwma arnawlı, kásip-óner tálimine, sonday-aq oqıwshılardıń qábileti, imkaniyatlarına qaray, sistemalastirilǵan tálimge ótiw, tálim xızmetin kórsetiw bazarın qáliplestiriw mexanimin tolıǵı menen iske salıw kózde tutıladı.
Úshinshi basqısh /2005 hám onnan keyingi jıllar/ toplanǵan tájiriybelerdi analizlew hám ulıwmalastırıw tiykarında mámleketti jámiyetlik-ekonomikalıq jaqtan rawajlandırıwǵa muwapıq kadrlar tayarlaw sistemasın ele de rawajlandırıw, tálim procesin duńya xabarlandiriw sisteması tarmaǵına baylanısatuǵın kompyuter xabar tarmaǵı menen tolıq qamtıp alınadı. Mámleketlik nızamda ayrıqsha kórsetip ótilgen.
Oqıwshılar menen individual islesiw, olardı kewillentiriw, talant hám múmkinshiligin sırtqa shıǵarıw, bilimlendiriwde úzliksizlik hám miyraslılıqtı támiyinlep barıw baslawısh klass oqıtıwshılarına qoyılǵan bas talap bolıp tabıladı. Baslawısh mekteplerde sabaq kestesi hám kún rejimi tuwri dúziliwine úlken áhmiyet beriledi. Baslawısh klass oqıwshıları ushın bilimlendiriw ministrligi «Oqıwshı tabeli»n engizgen. Bul tabel arqalı mektep hám onıń pedagogikalıq jámááti hám isshileri ata-analar menen úzliksiz baylanısta bolıp turadı. Bilimlendiriwdi túrli cikllar arqalı ámelge asırıw Kanada bilimlendiriw sistemasına keyingi jıllarda kirip kelgen jańalıq dep bahalaw múmkin. Ásirese, bilimlendiriwdegi cikllestiriw, oǵan miyraslılıq, úzliksizlik, balalar individual talantların pútkil baslawısh tálim procesinde támiyinlep beredi. Bunnan tısqarı bilimlendiriwdi cikllestiriw oqıtıwshı háreketine keń erkinliklerdi beredi, onıń pedagogikalıq juwapkershiligin asıradı. Oqıw dástúriniń mazmunın oqıtıwshınıń ózi belgileydi. Bir sóz benen aytqanda oqıtıwshı balalardıń bilimine juwapker eken, onıń usıldı tańlawına, ǵárezsiz háreket qılıwına tolıq erkinliklerde beredi. Oqıwshılarǵa baslawısh mekteptiń dáslepki úsh klasında bir muǵallim sabaq beredi. Onıń kimligin pedagog hám ata-analar jámááti anıqlaydı. Balalardı jas ózgeshelikleri qarap komplektlew shártleri bar. Biraq ol yamasa bul sebepke kóre oqıwshılardıń klastan klasqa kóshpey qalıw jaǵdayları tez tez ushırap turıwı sebepli, olardıń jas tárepten parıqlarıda hár túrli bolıwı múmkin. 0-jıldaǵı húkimet qararlarına muwapıq mektepke shekemgi hám baslawısh tálimge modullastırıw, balalardı bilimine ol yamasa bul pánge qızıǵıwına qaray kategoriyalaw sabaq kestesin de sol tiykarda dúziw huqıqı beriledi. Bunday sabaq kesteleri bir jılǵa, yarim jılǵa, sherekler boyınsha dúziliwi múmkin. Keyingi waqıtlarda oqıtıwshı tárepinen oqıwshıǵa puxta bilim beriw, ata-analar tárepinen bolsa óz perzentlerine jeterli sharayat jaratiw, olardıń bilim alıwlarına juwapkershilik penen qaraw haqqındaǵı shártnamalar dúziw ádet túsine kirip barmaqta.