6-mavzu: O’rnatilgan tizimlarga uzilish ish tartibini joriy etish Uzilishlar mexanizmi

Uzilishli davriy so‘rovlar: 
Agarda bizning amaliy dasturimiz so‘rov tizimiga yaxshi mos kelsa, ammo 
protsessorga bevosita chiqishni talab etadigan bir necha maqsaddan iborat bo‘lsa 
nima sodir bo‘ladi ? Unda oddiy so‘rov tizimini rad etib, RVOT ning ancha 
murakkab rejalashtirish algoritmiga o‘tish zarurati tug‘iladimi? 68HC12 
mikrokontroller ustivor boshqaruvli quvvatli va qayishqoq uzilishlar tizimiga ega. 
Oddiy kundalik vazifalarga ishlov berish uchun so‘rov algoritmidan foydalanish 
mumkin, ayni paytda kechiktiruvsiz aralashuvni talab etadigan vazifalar uchun esa 
uzilishli tizimdan foydalansa bo‘ladi. 
Bu turdagi rejalashtirish algoritmlari oldingi rejali va fonli tizilar sifatida 
mashhur. Bunda so‘rov algoritmi operatsion tizimning foni sifatida qaraladi, 
uzilishlar esa tizimning ustivor qismiga javobgar bo‘ladi. Odatda, bu tizimlar 
qismlarga bo‘lib ishlab chiqiladi. Dastlab, tizimning fon qismi ishlab chiqiladi va 
keyin unga ustivor uzilishli qismi qo‘shiladi. 
 
 

---

Karuselli tizimlar: 
Karuselli RVOTlarda, tizim yadro bitta faol vazifaga ishlov berishdan 
ikkinchi vazifaga ishlov berishga ketma-ket o‘tadi. Qachon ishlov berish oxirgi 
vazifaga yetib kelganda yana birinchi vazifadan boshlaydi. Davriy tizimlarda esa bu 
jarayon oxiriga yetmasdanoq keyingi vazifaga ishlov berishga o‘tiladi. Agar bunday 
o‘tish mumkin bo‘lmasa vaqtni kvantlash usulidan foydalanish mumkin.
Vaqtni kvantlashda davrning har bir vazifasiga protsessorga ulanish uchun 
tayinlangan vaqt ajratiladi. Agarda ushbu davr ichida vazifaga ishlov berish oxiriga 
yetmasa, unda uning matni bilan bog‘langan holda saqlab qolinadi va tayyorlik 
holatiga o‘tkaziladi, davriy ketma-ketlikdagi keyingi vazifa faol holatga o‘tadi. 
Karuselli OT davriy navbatli arxitekturaning ma’lumotlar strukturasidan foydalanib 
oson yig‘ilishi mumkin. Bu holda, har biri ketma-ket ravishda navbat ichidagi bir 
maqsaddan keyingi maqsadga o‘tadi. Agarda, vaqtni kvantlash zaruriyati tug‘ilsa, 
unda 68HC12 mikrokontrollerdagi mavjud real vaqt rejimida uzilishlar orqali oson 
amalga oshirish mumkin.