65Ыё7333333333333333000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

I bob. Buxgalteriya hisobi hisobvaraqlar rejasining umumiy tavsifi
Umumiy tavsifi

Buxgalteriya hisobi hisobvaraqlar rejasi

II bob. Schyotlarning bog‘lanishi

I qism. Uzoq muddatli aktivlar

II qism. Joriy aktivlar

III qism. Majburiyatlar

IV qism. Xususiy kapital

V qism. Moliyaviy natijalarning shakllanishi va foydalanilishi

VI qism. Balansdan tashqari schyotlar

I BOB. BUXGALTERIYa HISOBI HISOBVARAQLAR
REJASINING UMUMIY TAVSIFI

O‘zbekiston Respublikasining "Buxgalteriya hisobi to‘g‘risida"gi Qonuni 5-moddasiga muvofiq buxgalteriya hisobi va hisobotini tartibga solish, buxgalteriya hisobi standartlarini ishlab chiqish va tasdiqlash O‘zbekiston Respublikasi Moliya vazirligiga yuklatilgan. Shu bois buxgalteriya hisobi uslubiyati va yagona Hisobvaraqlar rejasini ishlab chiqish O‘zbekiston Respublikasi Moliya vazirligi tomonidan ta’minlanadi.

Buxgalteriya xizmatlarining amaliy faoliyatida Hisobvaraqlar rejasi birinchi darajali ahamiyatga ega.
Moliyaviy-xo‘jalik faoliyatining buxgalteriya hisobi hisobvaraqlar rejasi moliyaviy hisobot elementlariga muvofiq guruhlashtirilgan schyotlarning yig‘indisini, ya’ni: aktivlar, majburiyatlar, kapital, daromadlar va xarajatlarni tashkil etadi.
Hisobvaraqlar rejasi mulkchilik shakli va faoliyat sohasidan qat’i nazar barcha xo‘jalik yurituvchi sub’ektlar uchun yagona va majburiy hisoblanadi, byudjet tashkilotlari, sug‘urta kompaniyalari va banklar bundan mustasno.
Buxgalteriya hisobining hisobvaraqlar rejasi respublikada buxgalteriya hisobini me’yoriy tartibga solish tizimining ikkinchi darajali hujjatlari tarkibiga kiradi va u xalq xo‘jaligi turli tarmoqlarining barcha tashkiliy-huquqiy shakllaridagi korxonalar tomonidan qo‘llanishi lozim bo‘lgan schyotlarning tartibga solingan ro‘yxatidan iborat.
Hisobvaraqlar rejasida buxgalteriya hisobiga korxonalar iqtisodiy resurslarining holati va harakati to‘g‘risida buxgalteriya ma’lumoti hamda ularga qo‘yiladigan talablarni qayd etish va saqlash usuli sifatida ta’rif berilgan.
Buxgalteriya hisobining barcha schyotlari quyidagi guruhlarga ajratilgan: