7-lekciya. Noxat hám soya biologiyasi ha`m jetistiriw texnologiyasi

Egiw muǵdarı hám tereńligi. Ósimliktiń egiw muǵdarı sort qásiyetine, paydalanıw maqsetine baylanıslı boladı. Kesh piser sortlarınıń azıqlanıw maydanı úlken bolǵanlıǵı ushın egiw muǵdarı kemirek, gektarına 350-370 mıń dana tuxım, al erte piser sortları ushın 450-500 mıń dana tuxım egiledi. Dán ushın egilgen soyanıń egiw muǵdarı az, al kók shóp alıw ushın egilgen soyanıń egiw muǵdarı kóbirek boladı. Egiw tereńligi 4-6 sm, tuxımlar júdá tereń egilse, tuxım pálle japıraqların kóterip shıǵıwı qıyınlasadı. Egiw tiykarınan SPCh-6 markalı hám SON-2,8 palız seyalkaları menen ótkeriledi. Topıraq , hawa-rayı jaǵdayı hám sort qásiyetlerine qaray 3-5 márte suwǵarıladı. Suwǵarıw muǵdarı 800-900 m³/ga.
Hasıldı jıynaw. Soyanıń ónimi SK-4, SK-5 yaki Keys dán kombaynları járdeminde dánleri tolıq piskende yaǵnıy sobıqları qońır túske kirip, japıraqları tábiyiy halda túsip baslaǵanda jıynaladı. Jıynalǵan dánniń ıǵallıǵı 14% ten aspawı kerek hám dánleri qurǵaq hám samal ótip turatuǵın jaylarda jaqsılap saqlanadı.