7-tema. FİNansliq siyasat finanslıq siyasattıń mazmunı, principleri hám túrleri

Finanstı basqarıw siyasatı finans menejmenti hám finans mexanizmin jedellestiriw, finanstı basqarıw organları jumısın shólkemlestiriw, tártipke salıw hám basqarıw menen baylanıslı ilajlar jıyındısı bolıp esaplanadı.

Finanslıq siyasatınıń maqset hám wazıypaları tómendegilerden ibarat.

1. 
   Jámiyet rawajlanıwdaģı hár túrli mútájliklerdi qandırıw ushın zárúr bolģan finanslıq resurslardı tolıq engiziw.
   
2. 
   İsbilermenlik xızmetin rawajlandırıw, oģan ekonomikalıq hám finanslıq tárepten qolaylı sharayatlar jaratıw.
   
3. 
   Kárxana hám shólkemler, xojalıq júrgiziwshi subektler daramatların mámleket finans sistemasına (mámleketlik byudjet hám mámleket maqsetli fondlarına) ózlestiriwdiń eń nátiyjeli usılların belgilew.
   
4. 
   Finanslıq resurslardan paydalanıw nátiyjeliligin asırıw, olardı social-ekonomikalıq rawajlanıwdıń sheshiwshi hám ústin baģdarlarına baģdarlaw.
   
5. 
   Finanslıq siyasat belgilep bergen wazıypalardı nátiyjeli ámelge asırıwdı támiyinlewshi ózine tán finans mexanizmin islep shıģıw.
   

Álbette, finans siyasatınıń maqset hám wazıypaları usı dizimi menen shegeralap bolmaydı. Sebebi social-ekonomikalıq rawajlanıwdıń hár bir basqıshı hám bul basqıshdaģı mashqalardı sheshiw zárúrligi finans siyasatınıń aldına jańadan jańa wazıypalardı qoyadı. Mısalı mámleketimizdiń turaqlı rawajlanıwın támiyinlew, ekonomikanı modernizaciyalaw hám jańalaw maqsetlerinen kelip shıqqan halda, mámlekettiń finanslıq siyasatı tómendegi wazıypalardı atqarıwģa qaratılģan:

1. 
   Ekonomikalıq rawajlanıwdıń joqarı hám turaqlı kórsetkishlerin nátiyjeliligin hámde makroekonomikalıq teńsalmaqlılıģın támiyinlew.
   
2. 
   Jetekshi tarawlardı modernizaciyalaw hám texnologiyalıq jańalawģa qaratılģan aktiv innovaciyalıq siyasatın alıp barıw.
   
3. 
   Mámlekettiń bank hám finans sistemasın bekkemlep, onıń turaqlılıģın támiyinlew.
   
4. 
   Eksport hám import ornın basıwshı ónimler islep shıģarıwdı finanslıq tárepten qollap quwatlaw.
   
5. 
   İslep shıģarıwshılarģa qollanılatuģın salıq júgin kemeytirip barıw ilajların kóriw.
   
6. 
   Awıllarda social hám islep shıģarıw infrastrukturasın jaqsılaw, bul baģdardaģı investiciyalıq nátiyjelilikti qollap-quwatlaw.
   
7. 
   Kishi biznestiń rawajlanıwın qollap-quwatlaw, xalıq bántligine hám jańa jumıs orınların jaratıwģa járdem beriw.
   
8. 
   Jerlerdiń meleorativ jaģdayın jaqsılaw.
   
9. 
   Ekonomikanı modernizaciyalaw hám jańalanıwın támiyinlewshi finans mexanizmin qáliplestiriw hám bekkemlew.