7-tema: Globallasıwdıń mádeniy tárepleri Reje

Internet saytlari:
1. http: //antropogenez.ru/books/
2. http: //antropolog.ru/news/
3. http: //www.rusanthropology.ru/index.php?go=Pages&id=40&in=cat
4. http: //xammer.nm.ru/soc/index.html
5.http: //socioworld.narod.ru
6.http: //www.soc.pu.ru:8101/publications/vestnik
7.http: //www.nir.ru/socio/scipubl/socjour.htm
8.http: //www.nir.ru/socio/scipubl/nauchn.htm
9.http: //socium.fom-discurs.ru

Kontrmádeniyat hám submádeniyat kórinisleri. XX ásirdiń 60 jılları aqırında sociologlar jámiyette hám mádeniyatta júz bergen processlerge anıqlama beriw ushın jańa kontrmádeniyat hám submádeniyat túsinigin ilimde qollana baslaǵan. “Kontrmádeniyat degende - xázirgi zaman sociologiyası hám publicistika tarawlarında keń isletiletuǵın, social - mádeniy kórsetpeler, qádiriyatlardıń málim bir jónelis kompleksi, jámiyet rawajlanıwında ámel etip turǵan ulıwma insanıylıq mádeniyatqa qarsı bolǵan qádiriyatlar kompleksin ańlatıwshı túsinik bolıp tabıladı. XX ásir 60 - 70 jıllarında kontrmádeniyat túsinigi “kóterilisshi” (qozǵalańshı) social gruppalar hám studentler qatlamlarınıń, túrli rayon “kommuna”lardiń ayrıqsha idealogiya túsinigi sıpatında qáliplesti. Kontrmádeniyat mádeniyattı qopal túrde, ınjıqlıq menen biykarlaw etsede, ol bul dáwirde meshchanlıq, mápgóyliklerdiń stixiyalı kóterilisi, “ǵalabalıq jámiyet”, “ǵalabalıq mádeniyat” qádiriyat hám baǵdarlarınıń texnokratik variantı retinde sáwlelendiredi” (sonı esten shıǵarmaw kerek, kontrmádeniyatqa “advokat” retinde qaray onı júdá quramalastırıp jiberiw kontrmádeniyatiń túp mánisin joytıwına alıp kelse, onı payda etken gruppalar bolsa jámiyet basqarıw principına qarsı bas kóteriwge shekem barıp qalıwları múmkin. Kontrmádeniyat mádeniyat nıqabı astında jámiyettegi yastem etip turǵan siyasatqa qarsı yamasa onnan qanıqmaslıq nátiyjesinde mápdar bolǵan shaxslar, “qara kúshler” tárepinen jasalma túrde payda etiwide múmkin).
Submádeniyat - bul túrli social gruppalar mádeniyatı dep qaraladı. Ókinin penen aytamız, social gruppanı quraytuǵın aǵzalar (adamlar) ózlerinikine salıstırǵanda quramalılaw, dárejesi biyiklew mádeniyat kórinislerin qabıl ete almaydı, túsinbeydi. Submádeniyatqa social qatlamlar - qalalıqlar, awıl xalqı, jaslar, jumısshılar, diyxanlar, orta qatlam, tómen qatlam hám hátte joqarı qatlam kiredi. Gáp sonda, sol qatlamǵa kiretuǵın adamlar tek ǵana ózleriniń qatlamına tiyisli mádeniyattı jaqtıradı, qalǵan qatlamlardaǵı mádeniyat túri olarǵa bóten sıyaqlı, túsiniksiz kórinedi. Sebebi bolsa submádeniyat hár bir ózine tiyisli gruppanı basqa gruppa mádeniyatlarınan “izolyaciya”da saqlaydı. Mısalı, eń rawajlanǵan hám aktiv bolǵan - jaslar submádeniyatı. Jaslar submádeniyatiń orayın muzıka quraydı (tiykarınan pop hám rok muzıkaları).