8 – Leksiya. Kalsiynasiya prosessinin’ teoriyaliq tiykarlari ha’m texnologiуаliq esaрlari

58-Súwret. Kalcinaciya processinde natriy bikarbonatı temperaturasınıń ózgerisi.
2. Soda pechleri bóliminiń texnologiyalıq sxeması
Returlı soda pechlerine iye kalcinaciya bóliminiń úlgi texnologiyalıq sxeması 59-súwrette keltirilgen. Gúreksheli transporter 4 vakuum-filtrden 5 tazalanbaǵan natriy bikarbonatın bılǵawısh penen úskenelengen qabıllaǵıshqa 3 jetkerip beredi. Qabıllaǵıshtan ol soda pechiniń azıqlandırǵıshına 2 beriledi hám onnan keyin aralastırǵıshqa 1 ketedi. Tazalanbaǵan bikarbonattan tısqarı aralastırǵıshqa 1 shnekli transporter 8 menen berilgen qatnastı ıssı returlıq soda beriledi. Alınǵan aralaspa aylanıwshı barabanlıq soda pechine 22 salınadı, ol jerde nıń tarqalıwı júredi. Tayar soda arnawlı kovshlar menen pechten 22 tógiwshi shnekke 17 shıǵarıladı, ol jerden shnekli transporterlar 18 hám 19 onı elevatorǵa 16 beredi. Elevator sodanı shnekli transporterǵa 11 beredi, ol sodanı qurǵatqıshtıń júklewshi bólimine baǵdarlaydı, shnekli transporterdan 11 soda tasıwshı trubaǵa (yamasa shnekke) 9 kelip túsedi, ol soda pechiniń aldıńǵı tárepinde jaylasqan. Tasıwshı truba (yamasa shnek) 7 sodanıń bir bólimin tayar ónimler bunkerine 6 jiberedi. Sodanıń qalǵan bólimin shnekli transporter 8 retur sıpatıńda soda pechine qaytaradı.
Kalcinaciyalaǵanda bólinip shıǵıwshı gazlerdiń quramında , suw puwları, ammiak hám soda shańı boladı. Soda shańlarınan tazalaw ushın gaz ciklonǵa 10 jiberiledi. Ciklonnıń tómengi bóliminde jıynalǵan soda shańı, ciklonnan shnekli transporterge 8 túsiriledi. Tazalanǵan gaz soda pechi gaziniń kollektorı 12 arqalı ótip soda pechi gazi suwıtqıshınıń 13 (XGSP) joqarǵı bólimine kelip túsedi. Kollektor 12 hálsiz suyıqlıq penen suwǵarıladı. Bunda gaz biraz suwıydı, usınıń nátiyjesinde ondaǵı suw puwları kondensaciyalanadı. Hálsiz suyıqlıqta hám payda bolıwshı kondensatta ciklon arqalı ótken gazdiń quramındaǵı ammiak, niń bir bólimi hám soda eriydi. XGSP úskenesine kollektordan 12 shıqqan gaz benen birge hálsiz suyıqlıq hám onda payda bolǵan kondensat kelip túsedi (bunıń ushın soda pechleri gaziniń kollektorı XGSP úskenesine qaray qıyalıqqa iye). Suyıqlıq tómenge qaray aǵıp, suwıtqıshtıń trubaların juwıp, olardıń pataslanıwınıń aldın aladı. XGSP úskenesine soda pechleri gazi menen birge absorbciya gazin juwıw úskenesinen (96 betke qarań) hám dekarbonizatordan shıqqan (258 betke qarań) gaz kelip túsedi.
Suwıtılǵan gaz XGSP úskenesinen soda pechleri gazin juwıw úskenesiniń 14 (PGSP) tómengi tárepine kelip túsedi, Uglerod qos oksidi kompressorı menen sorıp alınıp, ol hák taslı kúydiriw pechleriniń gazi menen aralastırıladı, 343 kPa (3,9 kg/sm²) ǵa shekem qosıladı hám aralastırılǵan gaz túrinde karbonizaciyalıq kalonnanıń tómengi tárepine beriledi.