8 – Leksiya. Kalsiynasiya prosessinin’ teoriyaliq tiykarlari ha’m texnologiуаliq esaрlari

3. Soda pechleri bóliminiń úskeneleri
Natriy bikarbonatıń kalcinaciyalaw ushın úskeneler qabıl etilgen qızdırıw usılına qaray eki túrge bólinedi:
- jalınlı qızdırıw úskeneleri suyıq yamasa gaz tárizli janılǵıda islewshi, jalın aylanıwı menen qızdırılıwshı barabanlı soda pechi;
- puw menen qızdırıw úskeneleri – truba nasadkalı aylanba barabanlı pechler – puwlı kalcinatorlar.
Soda pechi ishten qızdırılıwshı gorizontal baraban kórinisinde bolıp, háreketke keltiriwshi shesternyalarǵa biriktirilgen, reduktor arqalı elektromotor menen aylandırıladı. Háreketke keltiriwshi shesterna, pech barabanına qozǵalmay-tuǵın etip qatırılǵan. Shesternya menen tislesip turǵan halda jaylasadı. Soda pech-leriniń tiykarǵı xarakteristikası 9-tablicada keltirilgen
9-tablica

Kórsetkishler	Pechler
	Retursız^*			Returlı
Barabannıń diametri, m	2,5	2,5	2,8		2,68
Barabannıń qızdırılıwshı bóliminiń uzınlıǵı, m	22	22	24		21,0
Aylanıw jiyiligi, ayl/min.	5	5	4,13		5
Soda boyınsha ortasha ónimdarlıǵı, t/sut.	150-155	150-160	180-190		150-160
Shıǵıp ketiwshi gazlerdiń temperaturası, ^0C	500	500	500		460
Janılǵını paydalanıw koefficienti	0,6-0,65	0,6-0,65	0,6-0,65		0,8-0,84
Janılǵınıń túri	Tábiyiy gaz yamasa mazut					Tábiyiy gaz
^*Retursız pechler hawa qızdırǵıshlar menen úskenelengen.

Úlken returlı soda pechiniń barabanı 12 (60-súwret) St3 markalı uglerodlı polattan tayarlanǵan. Ol qosılǵan jerinen kesesine jik penen kepserlengen, tórt bochka-cargalardan turadı. Hár bir bochka tórt polat taxtalarınan uzına jik penen kepserlep soǵılǵan. Barbannıń aldıńǵı (júklewshi) hám artqı (túsiriwshi) táreplerine hár qaysısınıń uzınlıǵı 1270 mm bolǵan konus tárizli bochka 11 kepserlengen. Bochkanıń ensiz awzına shoyın qasnaq (obod) 9 shegelengen (qatırılǵan), olarǵa pechtiń tayanısh qursawları (bondaji) 10 bekkemlengen. Qursawdıń diametri 2,8 m, eni 400 mm. Olar sırtqı betiniń forması shar tárizli etip quyılǵan polattan soǵılǵan. Shoyın qasnaqlarǵa 9 cilindrlik awız 4 shegelengen (qatırılǵan).