9 laboratoriya mashg`uloti. Mavzu. Go`ng tarkibidagi ammiakli azotni Mamchenko-Romashkevich usulida aniqlash

9 - laboratoriya mashg`uloti.


Mavzu. Go`ng tarkibidagi ammiakli azotni Mamchenko-Romashkevich usulida aniqlash.


Mashg`ulotning maqsadi. Organik o`g`itlarga kislota ta`sir etib, tarkibidagi ammiakli azot miqdorini aniqlash.
Kerakli reaktivlar, idishlar, jihozlar:

1. 0,05 n xlorid kislota eritmasi.	7. Filtr qog`ozi.
2. Segnet tuzining 25 % li eritmasi.	8. Kolba, 1000 ml.
3. Nessler reaktivi.	9. Konussimon kolbalar, 200-300 ml.
4. Distillangan suv.	10. Pipetka, 10 ml.
5. Analitik tarozi.	11. Shisha silindr, 10 ml.
6. Go`ng namunasi.	12. O`lchov kolbalar, 50, 250 ml.

Go`ng, go`ng sharbati, xo`jalik va sanoat chiqindilari, qushlar chiqindisi, ipak qurti chiqindisi kul va shunga o`xshashlar organik o`g`itlardir (23-rasm).

Organik o`g`itlar tarkibida azot, fosfor, kaliy, mikro-elementlar va suv bo`ladi hamda ular har hil nisbatda uchraydi. Organik o`g`itlar tuproqning biologik faoliyatini tezlashtiradi, tuproq strukturasini yaxshilaydi, tuproqdagi oziq elementlarni o`simlik o`zlashtirishini yaxshilaydi. Shuning uchun organik o`g`itlardan to`g`ri foydalanish, ularni saqlash yo`llarini o`rganish va ular tarkibidagi oziq elementlarni aniqlash katta ahamiyatga ega.