Abu ali ibn sino nomidagi buxoro davlat tibbiyot

TILNING TIRISHUVI 

Goho  til  uning mushaklarini  eniga  qarab    tortadigan  yopishqoq rutubatdan,  goho 

burishtiruvchi  savdodan  tirishadi.  Goho  o’tkir  kasalliklar      til      mushaklarini      quritib,     

qovjiratib   tirishtiradi. Tilning tirishuvi ba`zan so`zlashga ham zarar etkazadi. 

Davolash. Til tirishuvini davolash qoidalari umumiy tirishuvini davolash qoidalaridan 

uzoq emas. Xosroq davolash yo`siniga kelsak, u quyida belgilangan narsalar bilan bo`ladi: 

bo`yin  tagiga  bobuna,  qashqar  beda,  ho`l  beda  samsaq  va  ukrop  kabilar  bilan  kompress 

qilinadi,  ularni  yakka-yakka  va  bir-biriga  qo`shib  ham  ishlatiladi.  Shuningdek  ularning 

yog’larini iliq qilib og’izni to`lg’izib tomoq chayiladi va bir muddat og’izda tutib turiladi. 

Issiqlik  yog’lardan,  tarqatuvchi  shirinliklardan,  sariq  yo`ng’ichqa  urug’i  va  shunga 

o`xshash narsalardan tayyorlangan xabi-sani iste`mol qilish kerak. Til tirishuvi isitmalarda 

bo`lsa, ishlatiladigan yog’lar binafsha yog’i, qovoq yog’i va tol yog’i kabi yog’lar bo`lishi 

lozim, ular ilitib ishlatiladi. Mazkur joylarga iliq suv va ilitilgan ho`llovchi shiralarni ham 

quyib turish kerak. 

TILNING KATTALASHUVI 

           Goho  til  qonning  ko`pligidan,  goho  bo`shashtirib  shishiruvchi  shilliqli 

ho`llikning ko`pligidan kattalashadi. Goho til juda kattalashib ketadi, hatto og’izdan chiqib 

turadi va og’izga sig’maydi. Tilning bunday kattalashuvini shishlar bobidan ajratib bayon 

qildik, chunki uning o`ziga xos ayirmasi bor.   

 

             

 

Davolash. Qondan va issiq moddadan bo`lganini rovoch va tsitron suvi kabi parchalovchi 

nordon va burishtiradigan narsalar bilan ishqalab turish orqali, namliklardan bo`lganini esa 

bo`shatishlardan keyin qurt va sirka qo`shilgan navshadil va tuz bilan ishqalab davolanadi. 

Yoki  zanjabil,  murch,  uzunchoq  murch  va  andaron  tuzini  olib  yaxshilab  yanchib  tilga 

ishqalanadi. Shunda til o`z hajmiga qaytadi va og’izdan chiqib qolgan qismi qaytib kiradi. 

Bolalarda til bo`shashuvi paydo bo`lsa, parhez qildirish, chumchuq va kaptar bolalarining 

go`shti  bilan  ovqatlantirish  kifoya  qilarlik  zarur  narsalardan  hisoblanadi.  Bir  kishining 

tiliga tutashgan po`st yonidagi asabga tig’ urib, qortiq qo`yilgan edi, uning tili bo`shashib 

shalpirab qoldi. 

Tilning qisqarib qolishi 

          Goho  tilning  tagidagi  boylog’ning  til  boshiga  va  uchiga  tutashuvi  sababli  til 

qisqaradi,  bu  esa  tilning  cho`zilishiga  qo`ymaydi.  Goho  tilning  tirishuvi  sababli  ham 

qisqarish paydo bo`ladi. 

 

            Davolash. Tirishish sababli bo`ladigan til qisqarishini davolash tadbiri aytildi. 

Boylog’ning kaltaligi sababli bo`ladiganiga kelsak, uni o`sha boylog’ni til uchi tomonidan 

ozgina  kesish  va  kesilgan  joyga  qonni  to`xtatish  uchun  yanchilgan  zok  qo`yish  bilan 

davolanadi.  Tilni  cho`zish  uchun  boylog’ni  kesish  miqdori  tilni  tanglay  tepasiga 

bukiladigan va og’izdan chiqa oladigan darajada qilib kesishdir. Agar ko`p qon ketishdan 

qo`rqib, temir bilan kesishga jur`at qila olmasalar, boylog’ning tagiga qirqadigan ipni nina 

bilan  kirgizib  uni  kesmasdan  ip  bilan  qirqiladi.  Shu    joyga  bitishiga  to`sqinlik  qiladigan 

dog’lovchi o`tkir dorilar qo`yish kerak. Agar boylog’ni sekin kesib, til tagidagi tomirlarni 

kesilib ketmasligi uchun ehtiyot qilinsa, ko`p qon oqmaydi. 

TIL SHISHLARI 

Tilda  issiq  shishlar,  shilliqdan  va  yeldan  bo`ladigan  shishlar,  qattiq  shishlar  va  rak 

paydo  bo`ladi.  Shishlarning  belgilari  haqida  aytilgan  so`zlarga  murojaat  qilsang, 

hammasining  belgilari  ravshan  bo`ladi.  Goho  til  zaharli  qo`ziqorin  va  afyun  kabi  zaharli 

narsani iste`mol qilish sababli ham shishadi.  

Davolash. Issiq shishlarni davolash  uchun oldin  tomirdan qon olish va surgi qildirish 

kerak,  til  shishlarida  bu  tadbir  qustirishdan  ko’ra  yaxshiroqdir.  Ba`zan  tilning  tagidagi 

tomirdan qon olish lozim. 

Keyin, shishlarning boshlanish davrida sachratqi shirasini,  ayniqsa sutcho`p shirasini 

va  ituzum shirasini; qatiq, gul suvi va qizil gul, qizil tasma va anor po`stlari qaynatilgan 

gul suvini og’izda tutib turiladi. Tilni yangi shaftoli bilan ishqalanadi, bu juda foydalidir. 

Agar shishlar tarqalmasa va yiringlamasa, sut bilan qo`shilgan asal, yoki sapsar ildizining 

qaynatmasi, yoki anjir va sariq yo`ng’ichga qaynatmasi, mayiz va arpabodiyon qaynatmasi 

kabi yetiltirib tarqatadigan dorilarga ehtiyoj tushadi. Ular bilan tomoq chayiladi. 

Me`da  og’zidan  quyuq  moddani  surish  uchun  iyoraj  fikro  ichiladi.  Kunjut  yog’i 

qo`shilgan  ismaloq      oshi  va  karam      oshi  kabi  yetiltirish    va  tarqatish  xususiyatga  ega 

bo`lgan ovqatlar  yeyiladi. Shishlar yiring bog’lasa, og’izga tatim, mirta, yasmiq va zaytun 

bargi  qaynatmasi  kabi  burishtiruvchi  narsalar  va  taxir  sharob  ishlatiladi.  Ituzumning 

shirasidan,  gul  yog’idan,  po`sti  ajratilgan  yasmiqdan  va  guldan  tayyorlangan  malham  til 

shishlariga foyda qiladigan dorilardan sanaladi. 

 Agar  til shishi g’ovak  bo`lib shilliqdan  bo`lsa, unga va  shuningdek oxirgi darajasiga 

yetgan  issiq  shishga  arpabodiyon    ildizi    kuydirib  yopishtirilsa,  foyda  qiladi.  Goho 

shunday  shishlarda  g’alizlashgan    ayrim  issiq  shishlarda  mana  shu    tarkibdagi  dori 

ishlatiladi: za`faron va iyoraj fiqrodan   bir bo`lak, kofur   va mushkdan uchdan bir bo`lak 

va  novvotdan  bir  yarim  bo`lak    olib,  shu    tarkibdan  ikki  donaq  vazndagisini  xotin 

kishining sutida eritib burunga yuboriladi. 

Jolinus: "bir kishining tili kattagina shishdi. U kishi oltmish yoshda bo`lib, tomiridan 

hech biron oldirmagan edi. Men ham qon olmadim, unga huqo ichirdim va tiliga sovuqlik 

quyuq  surtma  dorilar  surtib  qo`ymoqchi  bo`ldim.  Kech  vaqti  edi,  o`sha  yerda  hozir 

bo`lgan  bir    tabib  qarshilik  qildi.  Bemor  o`sha  kechasi  tushida  o`zini  sutcho`p  shirasini 

og’izga olib turgan holda ko`rdi, keyin    u kishi shunday qildi ham va butunlay sog’aydi. 

Bu mening bergan    maslahatimga muvofiq bo`ldi”,- deb aytadi. 

Agar  shish  qattiq  bo`lsa,  yengil  tadbir  qo`llash  va  yaxshi  ovqat  berish  kerak.  Quyuq 

xiltlar  katta  iyorajlar    bilan  bo`shatiladi,  tomoq  chayqaladigan    suyultiruvchi  dorilar 

ishlatiladi.  Sariq  yo`ng’ichga  ivitilgan  suv,  anjir  bilan  birga  tayyorlangan  sariq 

yo`ng’ichga qaynatmasi va tozalangan  mayiz  bilan birga dafna mevasining suvini og’izda 

tutib turiladi. Yana : xotin kishi, yoki yovvoyi eshak, yoki echki sutini, yana shirin nabiz  

yoki uzum shirasi yoki xiyorshanbar asali bilan qo`shib qaynatilgan anjir va xurmo suvini 

ham Og’izda tutib turiladi. Kichik iyoraj yoki xiyorshanbar kabi narsalar bilan ichni doimo 

yumshatib turish kerak. 

So`zlashga halal yetishi 

Bu to`g’rida aytilishi zarur bo`lgan ba`zi narsalarni tilning bo`shashuvi bobida aytildi. 

Endi aytamizki, soqovlik va undan boshqa so’zlashga yetadigan zararlar, goho miyadagi 

va  tilga  kelib,  uni  harakatlantiruvchi  asabning  kelib  chiqqan  joyidagi  zarardan  paydo 

bo`ladi. Goho zarar asab shaxobchasining o`zida, goho mushakning o`zida bo`ladi. O’sha 

xalal  tirishish,  tortishish,  qattiqlashish,    bo`shashish,  boylikning  qisqaligi,  yoki  bitib 

qolgan  jarohatdan  yoki  qattiqlashishdan  bo`lgan  tugunchadan  iborat  bo`ladi.  Senga  

ma`lumki,    bu  narsa  ko`pincha  rutubatdan  bo`ladi,  goho  quruqlikdan  ham  bo`ladi. 

So`zlashishning  zararlanishi  goho  tilda  va  til  tevaragida  paydo  bo`ladigan  shishlar  va 

yaralardan,  goho  miya  pardasidagi  issiq  shish  yallig’lanishidan  keyin  chiqindilarning 

miyadan asablarga haydalib borishi sabablari vujudga keladi.  Isitmalarda ham yuz beradi, 

chunki isitmalar tilni qattiq quritib qo`yadi, shunda til bujmayib tirishib qoladi; Biroq bu 

kam uchraydi. Shu  aytilganlar aslida bo`lmay, keyin paydo bo`ladigan   zararlardir. 

So`zlashga  yetgan  zarar  goho  bo`g’iz  mushagidagi  sababdan,  ya`ni  undagi  tortishish 

yoki bo`shashishdan yuz beradi; shunda kishining dastlab tovush chiqarishi qiyin bo`ladi, 

chunki u ko`krak va bo`g’iz mushaklarini ular ko`tara olmaydigan bir kuch bilan harakat 

qildirishga  urinadi, lekin  mushaklar  bo`ysunmaydi. U  kishi  so`zni  boshlayotganda  ichiga 

nafas olsa, keyin shoshmasdan ravon so`zlay oladi. Bunday kishi so`zlamoqchi bo`lganda 

zo`r  nafas  olishi  va  ko`krakni  qattiq  harakatlantirishi  kerak,  keyin  bir  oz  shoshmay 

so`zlashga kirishishi   lozim. U kishi shuni odat qilsa, so`zlashi oson bo`lib,    osonlik bilan 

so`zlashga odatlanadi. 

Boshqa  xil  sabablarga    ko`ra  bo`ladigan  zararlanishga  kelsak,  ularni  davolash 

tadbirlarini  o`z  boblarida  aytdik.  Sarsom  kasallikdan  keyin  so`zlashga  yetadigan 

zararlanishda til tagidagi ikkita tomirdan qon olish juda foyda qiladi. 

"QURBAQA" LAPSHA KASALLIGI 

Bu  tilning  tagida  bo`ladigan  qattiq  bezga  o`xshash  bir  narsadir.  Uning  rangi  til 

sathining  va  undagi  tomirlarning  rangidan  tarkib  topgan  bo`lib,  qurbaqa  rangiga    

o`xshaydi. Bu  kasallikka quyuq va yopishqoq  rutubat  sabab   bo`ladi. 

 

Davolash.  Bunga  yeyuvchi,  parchalovchi  va  tarqatuvchi  dorilarni  va  shuningdek 

navshadil, sirka va tuz kabi juda qurituvchi dorilar ishlatib ko’riladi va zangor hamda zok 

bilan tilni ishqalanadi. Bu bilan tuzalmasa, Abirun dorisi, osqoriyu dorisi va karobodinda 

ko`rsatilgan va yangi tuxumdan tayyorlangan dori kabi o`tkir dorilar  ishlatiladi. Yana til 

tagidagi  tomirdan  qon  olib,  kuchli  og’iz  chaqasining  dorilari  ham  ishlatib  ko`riladi.  Bu 

bilan  ham tuzalmasa qo`l tadbirini ishlatishdan boshqa chora yo`q. Bunga qarshi ishlatish 

uchun  maqtalgan  dorilardan  biri  mana  bu:  Fors  kaklik  o`ti,  anor  po`sti  va  tuzni  olib  shu  

tarkibda yasalgan dori bilan  "qurbaqa" kasalligiga uchragan bolaning tilini ishqalanadi, bu 

tadbir  uni  tuzatadi.  Kuydirilgan  zokni  va  savrinjonni  tuxum  oqi  bilan  qo`shib  til  tagiga 

qo`yish ham sinab ko`rilgan tadbirlardandir. 

  

Tilning kuyib achishishi 

 

Tilning kuyib achishishi goho me`da og’zi va miyadagi isitma darajasiga yetmagan 

harorat sababli, yoki o`tkir, sho`r, achchiq, shirin narsalar va qattiq tashna qiluvchi narsani 

yeyish  sababli  paydo  bo`ladi.  Yana  o`tkir  isitmalar  va    ichki  shishlar  kabi  ulardan  ko`ra  

kattaroq sabablardan ham bo`ladi. 

Umuman  ularning  chorasi  shu  :  tili  ko`p  achishganidan  shikoyat  qiluvchi  kishining, 

ayniqsa  u  kishi  kasal  bo`lsa,  chalqancha  va  og’zini  katta  ochib  yotishdan  tiyish  kerak. 

Doimo  qovun,  tarrak,  bodring  va  qovoq  urug’i,  yantog’  shakar,  kraxmal  va  shularga 

o`xshash  narsalardan  tayyorlangan  hab  dorilarni  iste`mol  qilinadi.  Unday  kishi  olxo`ri 

danagi,  tamr  qindiy,  qijoz  shakari,  ma`lum  shiralar  va  sovutib      qo`llovchi  siqib  olingan 

suvlarni  og’ziga olib  turishi  kerak.  Agar tilda  yopishqoq  xilt  bo`lsa,  unga  yog’  surtiladi. 

Keyin tilni yog’lab turish, turli yog’lar, mum,  chilonjiyda, turli  shiralar  va  siqib  olingan 

suvlar  va  qushlarning  yog’lari  bilan  og’iz  chayib  turish  lozim.  Ba`zi  kishilar  kasallikni 

davolash uchun tilni bog’ yalpiz bilan ishqalaydilar. 

 

 

TIL YORILISHINI DAVOLASH 

Bundan shikoyat qiluvchi kishi ispaqul shirasini og’ziga tutib, undan yutadi ham. Unga 

turli baqaloqlar va chala pishirilgan tuxum yediriladi. Tarrak va  sabiston olxo`risini palla  

qilib,  bir-biriga  ishqalashdan  paydo  bo`lgan  ko`pik  bunga  qarshi  ishlatib  sinalgan 

dorilardan sanaladi. 

OG’IZDA BO`LADIGAN MAYDA CHIQIQLAR 

 

Og’izda  mayda  chiqiqlarning  paydo  bo`lishi  ko`proq  vaqt  me`da  va  bosh 

tomonlaridagi  issiqdan  va  bug’lardan  bo`ladi,  goho  ular  isitmalarda  ham  paydo  bo`ladi. 

O’tkir  isitmalarda  tilda        qora  chiqiqlar  ko’rinsa,  bemor  ikkinchi  kuni  o`ladi,  deydilar. 

Chiqiqlarning  dastlabki  paytida  sovutishga  va  quritishga  ehtiyoj  tushsa,  foydali  sodda 

dorilar mana bular: qalila, mozi, gul urug’i, kraxmal, yulg’un daraxtining mevasi, momiso 

shamchasi, anor guli, katiro, sandalning ikkala turi, qizil gul, taboshir, tatim, yasmiq, arpa 

loyi, anor dumi, dub yong’og’i ichidagi yupqa po`st, qimuliyo kesagi, fufal kabi narsalar; 

yana  sutcho`p,  ituzum,  qizil  tasma,  semizo`t  va  tok  uchlarining  shiralari  kabi  sovuqlik 

shiralar  ishlatiladi.  Ko`p  bolalarning  og’zidagi  chiqiqlarni  novvot  va  kofur  bilan 

davolanadi.  Kasallikning  oxirida  kerak  bo`ladigan  issiqlik  dorilar  qoncho`p,  ayniqsa 

handul,  muskat  yong’oqi  po`stlari,  to`poloq  ildizi,  za`faron,  savr  yong’og’i,  govzabon, 

nazla o`ti,    qalampirmunchoq,    yalpiz va omila shirasidir; nopok dorilardan esa it tezagi 

ishlatiladi.  Ba`zan  og’iz  chiqiqlari  yaraga  aylanib  ketib  ,  uni  tuzatish  uchun  zirnixga 

ehtiyoj tushadi, g’alizlashgan chiqiqlarga qarshi bir uqiya kandul qaynatmasi, yarim uqiya 

zarchava,  to`rtdan  bir  uqiya  qoncho`p,  ikki  dirham  sabr  va  bir  misqol  za`faron  tarkibi 

sinab  ko`riladi.  Shuningdek  qalampirmunchoq,  muskat  yong’og’i  va  qandullarning 

barobar  yoki  bir-biriga  yaqin  miqdorlari  qaynatilgan  suv  ham  sinab  ko’rilgan.  Chiqiqlar 

yiring  boylaganda,  ularga  zig’ir  urug’i    kanavcha,  rayhon  urug’i  va  gulxayri  urug’idan 

olingan  shiralarni  ishlatish  kerak.  Yana  shu    urug’larning  o`zlari,  arpa  uni  va  eshak 

sutining  yolg’iz  o`zi  yoki  o`sha  shirasining  birontasi  bilan  qo`shib  ishlatiladi.  Ba`zan 

zig’irning  anjir,  sariyog’,  bug’doy  uni,  cho`lyalpizi  va  sariq  yo`ng’ichqa  bilan  qo`shib 

qaynatilgan  suviga  ehtiyoj  tushadi.  Biladigan  tabiblardan  birining  aytishicha,  og’iz 

chiqiqlarini  davolashda qora  chayir yog’ini  ilitib og’izga olib turishdan yaxshiroq tadbir 

yo`qdir. 

Og’iz chaqasi va yomon yaralari 

Og’iz  chaqasi  og’iz  va  til  terisida  bo`ladigan  tarqaluvchi  va  kengayuvchi  yaradan 

iboratdir. Bu ko`pincha bolalarda paydo bo`ladi. Ulardan paydo bo`lishiga ko`proq sutning 

yomonligi  yoki  uning  me`dada  yomonroq  hazm  bo`lishi  sabab  bo`ladi.  U  har  bir  xiltdan 

bo`laveradi va rangidan taniladi: oqi balg’amdan, ko`proq sho`r balg’amdan paydo bo`ladi 

sarig’i safrodan bo`lib, alangasi boshqasinikidan ko`ra kuchliroq bo`ladi; qorasi savdodan, 

tiniq  qizili  esa  qondan  bo`ladi.  Eng  yomoni  savdodan  bo`lganidir.  Og’iz  chaqasining 

ba`zisi kuchli o`yiluvchi  bo`lib, ba`zisi esa tinchroq bo`ladi. U goho shishli, goho shunday 

o`zi  bo`ladi.  Og’iz  sathida  bo`ladigan  har  bir  yara  albatta  tez  yoyiladi,  chunki  og’iz 

hamisha issiq terisi esa ho`l va yumshoq bo`ladi. Jolinus og’izdagi yaralarni shilliq parda 

yuzida bo`lib turgan paytlarda "Og’iz chaqasi" deb atar, sasib chuqurlashsa, og’iz chaqasi 

deb  atamas,  balki  "yomon  yaralar"  deb  atar  edi.  Shu    yomon  yaralarni  davolashda 

dog’lovchi dorilarga ehtiyoj tushadi. Yog’ingarchilik ko`p bo`lsa, og’iz chaqasi ko`payadi; 

u vaboli isitmalarda ham ko`payadi. 

 

Davolash.  Oldin  ko`payib,  og’iz  chaqasini  paydo  qilib  turgan  xiltlarga  qarshi  tadbir 

qilish  kerak.  Xilt  ko`paygan  bo`lsa,  butun  gavda  bo’shatiladi.  Keyin  iyak  tagidagi 

tomirdan,  ayniqsa  chaxor  rakdan  qon  olib  bo`shatiladi.  Shu    tomirlardan  qon  olish 

og’izdagi  moddali  issiq  kasalliklarning  hammasiga  ham  foyda  qiladi.  Keyin  chiqiqlarga 

ishlatiladigan  va  eslatib  o`tilgan  dorilardan  foydalanish  lozim.  Kuchli,  ho`l,  zardob  va 

yiringi ko`p bo`lganiga kuchli dori, mo`tadiligiga mo`tadil dori va kuchsiziga kuchsiz dori 

ishlatiladi.  Og’iz  yaralari suyakka  yetishga  yaqinlashsa, ko`p miqdordagi arab  akatsiyasi 

shirasi  bilan  qo`shilgan  faltafiyun  kabi  juda  kuchli  dori  ishlatish  zarur  bo`ladi.  Bunda 

hamma yog’lardan, hatto zaytun yog’idan ham saqlanish kerak. 

Og’iz  yarasi  qizil  bo`lib  qondan  bo`lsa,  dastlab  unga  eng  muvofiq  dori  bir  oz 

burishtirish va sovutish xususiyatiga  ega bo`lgan  doridir. Undan keyin  shimdiruvchi dori 

ishlatiladi.qizg’ish  sariq  va  sariq  xiliga  sovutishi  kuchliroq  bo`lgan  dori  ishlatish  kerak. 

Ulardan  boshqa  turlariga  kelsak,  eng  oldin  qilinadigan  zarur  ish  mo`tadil  tabiatli 

qurituvchi va tozalovchi dori ishlatishdir. Keyin kuchli qurituvchi va kuchli shimdiruvchi 

dori  ishlatish  kerak.  Shularning  hammasida  bemorning  yoshini  nazarda  tutish  kerak: 

bolalarning dorilari kuchsizroq bo`lishi va emadigan sutlarini tuzatish zarur. Kattalarning 

dorilari esa kuchliroq bo`lishi lozim. Bolalarga ko`pincha ovqatning o`zi ham foyda qiladi. 

Agar ovqat yemaydigan bo`lsalar, o’sha foyda qiladigan ovqatlarni emizuvchiga yedirish 

kerak. 

Og’iz chaqasining haroratli xiliga yog’adigan davo, masalan, maymunjon bargini yoki 

yasmiqni sirka bilan qo`shib chaynashdir. Hamma hayvonlarning, ayniqsa tog’ echkisi va 

buzoqning iligini behi bilan aralashtirib iste`mol etilsa, foyda qiladi. Nordon olma, nordon 

nok  do`lana,  behi,  chilonjiyda,  tok  navdalarining  uchi,  quritilgan  bodring,  yasmiq  uni, 

guruch uni  ham  foyda  qiladi. Mozi, taboshir, gul, arab  akatsiyasining  shirasi va  shularga 

o`xshash  narsalardan  tayyorlanib  sepiladigan  dorilar  ulardan  ham  kuchliroqdir. 

Burishtiruvchi narsalar bilan qo`shilgan qoncho`pning og’iz chaqasini davolashda ajoyib 

quvvati bor. Og’iz chaqasiga kofur ham juda foydalidir. 

Og’iz chaqasining ikkala sovuq xiliga, ayniqsa balg’amdan bo`lganiga qarshi tozalab 

qurituvchi    dorilar  ishlatilsin.  Yana kuchli shimdiruvchi va qurituvchi dorilarni, ayniqsa  

savdodan bo`lgan og`iz chaqasiga qarshi ishlatish kerak. Masalan, yovvoyi yasmiq uni va 

asalning  ozi  bilan  qo`shilgani  shunday.  Og’iz  chaqalariga,  ayniqsa  bolalarnikiga,  katta 

toshbaqaning sirka bilan aralashtirilgan o`ti juda foydalidir. Yomon xiliga esa zokni sirka 

bilan  qo`shib  ishlatish  lozim. Agar  ular  yomon  bo`lib  o`yib  yuborsa,   zangorni  sariq  zok 

bilan  qo`shib,  mozini  shinniga  solib,  yoki  mozi,  achchiqtosh  va  anor  gulidan  barobar 

bo`lak olib qo`shib ishlatish kerak. Yana musoro  kulcharini yoki taraxumotiqun surmasini 

uzum  qo`rasining  shirasi  kabi  burishtiruvchi  shira  bilan  qo`shib  ishlatiladi.  Sepiladigan 

dori  singari  to`zondek  qilib  yanchilgan  achchiqtosh  va  mozi  og’iz  yaralarining  hamma 

xiliga umumiy dorilardan sanaladi. Buni og’izga sekinlik bilan ishqalash kerak. Og’izdagi 

hamma  xil  yomon  yaralarga  mozi,  ayniqsa  uning  sirka  va  tuz  bilan  qaynatilgani  foyda 

qiladi.  Bolalarning  og’iz  yaralarida  o`sha  qaynatma  bilan  og’iz  chayiladi.  Og’izning 

yomon  yarasiga qarshi ta`sir qilishda mozariyun kuli ayrim xususiyatga ega bo`lib, og’iz 

yaralarining  hamma  turlari  uchun  umumiy  dorilardan  biridir.  Gultojixo`roz,  mis  suvi 

hamda  sharobning  kuydirilgan  loyqasi  ham  shunday.Og’izning  savdodan  bo`lgan  qora 

yarasiga urug’i olinib asalga qorishtirilgan mayizni va rum arpabodiyonini  surtish foyda 

qiladi. Agar og’izda shu  bilan birga shish ham bo`lsa, bir sukurraja tog’rayhonni yarim 

sukurraja gul yog’i, yarim sukurraja yasmiq va ikki miskol za`faronni olib shu  tarkibdan 

malham qilib ishlatiladi. 

 

 

 

TUPUK VA SO`LAKNING KO`PAYISHI VA UYQUDA 

 SO`LAK OQIB QOLISHI 

        Bu hol goho issiq va ho`llikning, ayniqsa me`dada ko`payishidan, goho faqatgina  

issiqning  kuchayganligidan    paydo    bo`ladi.  Masalan,  ro’za  tutgan,  ovqatni  oz  yeydigan 

yoki ovqatsiz qolgan kishida to ovqatlangunicha hamisha tupuk kelaveradi, ovqatlangach 

bosiladi. Goho bu narsa balg’amdan va sovuqdan bo`ladi. 

 Davolash. Agar  bu issiqdan bo`lsa, oldin  bosliq  tomiridan qon  olish, qiyom  qilingan 

nordon  shiralar,  sovuqlik  nordon  mevalar  va  ko`p  suv  aralashtirib  eskirmagan  nabiz 

sharobi  iste`mol  qildirish  kerak.  Ovqat  baliqdan,  uloq  va  qush  go`shti  kabi  yengil 

go`shtlardan  tayyorlanadi.  Yasmiq,  tatim  va  bunga  o`xshash  narsalardan  tayyorlanadigan 

burishtiruvchi qaynatmalar bilan og’izni doimo chayqab turiladi. 

Bu kasallik sovuq mizojlilik  va  balg’amdan bo`lsa, o`ziga ma`lum narsalar yordami 

bilan haftada ikki yoki uch marta qustiriladi va har haftada bir marta mana shu  tarkibdagi 

dorini ichiriladi ikki dirham iyoraj fiqro, ikki donah tuz, rum arpabodiyoni juvonaning har 

biridan  bir  donak  olib  asal  sikanjubini  yoki  sikanjubini  buzuriy  bilan  ichiriladi.  Undan 

keyin taryoq va issiqlik juvorishlar iste`mol qilinadi. 

Unday    bemorning    ovqati    esa,    xushbo`y  dorivorlar,  sarimsoq  va  xardal  bilan 

qaynatilgan  jo`ja  go`shtlari  bo`lishi  kerak.  Kechqurunlari  lochira  murriy  bilan  yeyiladi, 

keyin issiq suv ichiladi, uyqudan oldin bemor tishini yuvishi kerak. 

Quyidagicha  davolash  usuli  yaxshi  va  umumiy  davolash  tadbirlaridandir:  yirik  qilib 

yanchilgan  tuzdan    bir    dirham    har  kuni    yangi  sachratqi  bilan  qo`shib  yeyiladi,  keyin 

kichik  atriful  iste`mol  qilinadi  va  doimo  tishni  maxsus  uzun  cho`p  misvok  bilan  yuvib 

turiladi. Qovurilgan sichqonni yedirib ko`rilganda  uning, ayniqsa  bolalar uchun  foydali  

ekani  ko`rildi. 

 

YEYILGAN NARSALARNING YOMON HIDLARINI OG’IZDAN 

KETKAZISH 

Bunga  g’azago`tni  va  maymunjon  bargini  chaynash,  ulardan  keyin  yovvoyi  piyoz 

sirkasi  bilan  og’iz  chayqash,  to`poloq  va  yovvoyi  zanjabilni  og’izda  olib  yurish  foyda 

qiladi. 

  

OG’IZDAN QON TUFLASH 

Agar qon og’iz moddasidan va pardasidan chiqayotgan bo`lsa uni mayda chiqiqlar va 

boshqa yaralar bobida aytilgan burishtiruvchi dorilar bilan davolash kerak. Tok novdalari 

va o`rmovichlari qaynatmasining bunga zo`r foydasi bor.