Adliya vazirligi qoshidagi "adolat" milliy huquqiy axborot markazi

TA’LIM OLISH HUQUQI:
ta’lim tashkilotlarini rivojlantirish;
ta’lim tashkilotlarida innovatsion faoliyatni qo‘llab-quvvatlash va 
o‘quv dasturlarini innovatsion texnologiyalarni qo‘llagan holda 
amalga oshirish;
ishlab chiqarishdan ajralgan (kunduzgi) va ajralmagan holda (sirtqi, 
kechki, masofaviy) ta’lim olishni tashkil etish;
kadrlarni tayyorlash, qayta tayyorlash va ularning malakasini 
oshirish;
umumiy o‘rta, o‘rta maxsus ta’limni va boshlang‘ich professional 
ta’limni bepul olish;
oilada yoki mustaqil o‘qish orqali ta’lim olgan fuqarolarga, shuningdek, 
umumiy o‘rta ta’lim olmagan shaxslarga akkreditatsiyadan o‘tgan 
davlat ta’lim muassasalarida eksternat tartibida attestatsiyadan 
o‘tish huquqini berish orqali ta’minlanadi.

---

20
O‘zbekiston Respublikasida doimiy yashayotgan fuqaroligi 
bo‘lmagan shaxslar ta’lim olish uchun O‘zbekiston Respublikasi 
fuqarolari bilan teng huquqlarga ega.
Umumiy o‘rta va o‘rta maxsus ta’lim umumta’lim o‘quv 
dasturlarini, zarur bilim, malaka hamda ko‘nikmalarni o‘zlashtirishga 
qaratilgan.
Umumiy o‘rta ta’lim (I — XI sinflar) bosqichlari quyidagilardan 
iborat:
boshlang‘ich ta’lim (I — IV sinflar);
tayanch o‘rta ta’lim (V — IX sinflar);
o‘rta ta’lim (X — XI sinflar).
Davlat maxsus pedagogik yondashuvga ehtiyoji bo‘lgan ijtimoiy 
himoyaga muhtoj bolalarning belgilangan ta’lim standartlari va 
talablari darajasida bilim olishlari uchun zarur mablag‘lar ajratadi 
hamda boshqa choralar ko‘radi.
Jismoniy va ruhiy rivojlanishida nuqsonlari bo‘lgan bolalar va 
nogiron bolalar ular uchun maxsus ishlab chiqilgan ta’lim dasturlari 
bo‘yicha ta’lim muassasalarida o‘qish va tarbiyalanish hamda o‘z 
jismoniy, aqliy qobiliyatlari va xohishlariga mos bo‘lgan ta’lim olish 
huquqiga ega.
Tibbiy-psixologik-pedagogik komissiyaning tavsiyasi bo‘lgan 
taqdirda, jismoniy va (yoki) ruhiy rivojlanishida nuqsonlari bo‘lgan 
bolalar va nogiron bolalarning ota-onalari o‘z xohish-istagiga 
ko‘ra hamda bolaning qiziqishlaridan kelib chiqqan holda ta’lim 
(umumta’lim yoki ixtisoslashtirilgan) muassasasi turini tanlash 
huquqiga ega.
Ijtimoiy himoyaga muhtoj bolalarga o‘rta maxsus, kasb-hunar 
va oliy o‘quv yurtlariga o‘qishga kirishda qonun hujjatlari bilan 
imtiyozlar belgilanishi mumkin.