Аёлларга оид энг зарур фиқҲий масалалар

 
Ҳайзли аёлга нималар ҳаром?
Ҳайз ва нифосли аёлга қуйидаги ишлар ҳаром:
1. Намоз ўқиш. 
2. Рўза тутиш. 
3. Қуръони каримни ўқиш. 
4. Эри билан жинсий алоқа. 
5. Масжидга кириш. 
6. Қуръони каримни ушлаш. 
7. Каъбани тавоф қилиш. 
 
1. Ҳайзли, нифосли аёлга намоз ўқиш ҳаром
Фарз, вожиб, суннат, нафл ё қазога қолган намозми — фарқи йўқ, ҳеч қайсисини ўқимайди. 
Сажда ҳам қилмавди, хоҳ тиловат саждаси бўлсин, хоҳ шукр саждаси бўлсин. Бу вазиятда 
намоз ва сажда ҳаромдир 
("el-ihtiyar": 27).
Аёл ҳайзли ва нифосли кунларининг намозларини сўнгра қазо қилиб ўқимайди. Бу унга 
фарз эмас 
("Dureru'l-Hukkam": 1/42).
 
а) Намозда ҳайз кўрган аёл нима қилади?
Аёл хоҳ илк марта, хоҳ навбатдаги одатни кўрган бўлсин, қонни дастлаб кўрган лаҳзадан 
эътиборан намозни тарк этади. Чунки намози ўз-ўзидан бузилади. Агар бу фарз намози бўлса, 
уни кейин қазо қилиб ўқиши керакмас. Агар нофила намоз бўлса, тоза бўлгандан кейин қазо 
қилиб ўқиши вожиб бўлади. Зеро, фарз намознинг ўзи зотан вожибдир, бошлаш билан вожиб 
бўлмайди. Аммо нофила намозни бошлаш билан у намоз ўқиётганга вожиб бўлади 
(Ibn-i Abidin: 
1/268).
 
б) Нофила намозга ёки рўзага ният қилганидан кейин «ой кўрган» аёл
Аёл нофила намозга ёки нофила рўзага ният қилганидан сўнг «ой кўрса», ҳам намозни, ҳам 
рўзани қазо қилиши керак. Яъни, ҳайз муддати тутагач, уларни адо этиши лозим бўлади. Чунки 
бу ибодатлар бошлаш билан вожиб бўлади. 
Фарз намозга ёки фарз рўзага ният этгач ҳайз кўрса, кейин рўзанинг қазосини тутиб 
беради, аммо намозни қазо қилиб ўқимайди 
(Ibn-i Abidin: 1/268).
 
в) Ҳайз кўрган аёл намоз вақтида нима қилади?
Ҳар намоз вақти кирганида таҳорат олиб, уйининг намоз ўқиш учун ажратилган қисмида 
намоз ўқилур мудцат тас-беҳ, тахдил, калимаи тавҳид билан машғул бўлиб ўтириши 
мустаҳабдир 
(Ibn-i Abidin: 1/168; "Fetava-i Hindiyye": 1/33).
Бундай қилиши унинг намозга садоқати ва муҳаббати ифодасидир. Бошқа бир ривоятга 
кўра, шундай қилса, аёл ҳаётида энг гўзал шаклда ўқиган намоз савобига эришади