Agrokimyoviy xaritanomalar tuzish va shu asosida о‘gitlardan oqilona foydalanish.( Oziq elemenilar miqdorini aniqlab konturga kо‘chirish, ta’minlanganlik darajasini aniqlash). Ocherk yozish

TUPROQLARNI HARAKATCHAN FOSFOR MIQDORI BО‘YICHA GURUHLASH

Guruh	Ta’minlanganlik Darajasi	R2O5 mg/kg	Xaritada belgilanadigan
			rangi	chizik shakli
1	Juda past	15,0	Och yashil	Nuqta
2	Past	15,1- 30,0	Yashil	Punktir
3	О‘rtacha	30,1-45,0	Och havo rang	Gorizontal
4	Yuqori	45,1-60,0	Havo rang	Vertikal
5	Juda yuqori	60,0	Binafsha rang	Tо‘gri chiziq

TUPROQLARNI ALMASHINUVCHAN KALIY MIQDORI BО‘YICHA GURUHLASH

Guruh	Ta’minlanganlik Darajasi	R2O5 mg/kg	Xaritada belgilanadigan
			rangi	chizik shakli
1	Juda past	100	Och sariq	Nuqta
2	Past	101-200	Sariq	Punktir
3	О‘rtacha	201-300	Zargaldoq	Gorizontal
4	Yuqori	301-400	Jigar rang	Vertikal
5	Juda yuqori	400	Tо‘q jigar rang	Tо‘gri chiziq

AGROKIMYOVIY XARITANOMA TUZISHDA BAJARILADIGAN ISHLARNING TARTIBI VA TEXNIKASI

Alohida oziq elementlari miqdori bо‘yicha agrokimyoviy xaritanomalar quyidagi tartibda tuziladi:

1. Dastlab kо‘chirilgan karta nusxasiga ma’lum bir oziq elementi bо‘yicha kо‘rsatkichlar analiz natijalari yozilgan jurnaldan olib kо‘chiriladi. Analiz natijalari xaritanomadagi elementar uchastkaning о‘rtasiga oddiy qora qalamda aniq qilib yozib quyiladi. Sо‘ngra bir xil kо‘rsatkichli kataklar xaritada bitta agrokimyoviy kontur qilib birlashtiriladi. Guruqning nomeri Rim raqami bilan belgilab quyiladi.
2. Shundan sо‘ng jadvallardagi ma’lumotlarga asoslanib, turli miqdorda harakatchan oziq elementlari bо‘lgan maydonlar xaritanomada tegishli rang yoki chiziq shakli bilan belgilanadi.
3. Tekshirilgan maydon konturlarga bо‘linib, kerakli ranglarga. Bо‘yalgach, xaritanomaning nomi, masshtab iva eksplikatsiya yoziladi. Xaritaning yuqorigi chap tomonida viloyat, nohiya va xо‘jalikning nomlari kо‘rsatiladi. Uning tagiga esa xaritaning masshtabi yozib qо‘yiladi. Eksplikatsiya xaritaning pastki qismiga jadval xolatida joylashtiriladi va agrokimyoviy xaritanomani tuzgan da tuzilgan yili yozib qо‘yiladi.


AGROKIMYOVIY OCHERK TUZISH

Agrokimyoviy ocherkda xо‘jalik tо‘grisida umumiy ma’lumotlar: geografik joylanish, maydoni, asosiy tarmoqlari, tabiiy sharoitlari, tuproqlarning tavsifi, almashlab ekish maydonlari, qо‘llaniladigan о‘gitlarning doza va formalari, agrotexnikaning xolati va qishloq xо‘jalik ekinlarining hosildorligi tо‘liq bayon etiladi.

Ocherkning asosiy bо‘limi tuproqlarning agrokimyoviy tavsifi bо‘lib, uni tuproqlarni agrokimyoviy tekshirish natijalari asosida yoziladi. Bajarilgan analiz natijalari jadval kо‘rinishida beriladi. Ekin maydonlari, almashlab ekish maydonlari bо‘yicha asosiy tuproq tur-xillarining agrokimyoviy tavsifi umumlashtirilgan jadval tariqasida keltiriladi.