Aholi sonining tanlama statistik kuzatuvini tayyorlash va o‘tkazish chora-tadbirlari

IV. Kuzatuvni o‘tkazish 
16. Aholi punktlarida kuzatuv manzillar ro‘yxatlari asosida qat’iy belgilangan 
muddatlarda yalpi uyma-uy aylanib chiqish yo‘li bilan maxsus tanlangan shaxslar kontingenti 
(keyingi o‘rinlarda intervyu oluvchi deb ataladi) tomonidan o‘tkaziladi. 
Aholi tomonidan intervyu oluvchilarga ishonchni ta’minlash, kuzatuv o‘tkazish vaqtida 
jamoat tartibi va xavfsizlikka rioya qilish maqsadida intervyu oluvchilar tomonidan so‘rov ichki 
ishlar organlari xodimi yoki fuqarolarning o‘zini o‘zi boshqarish mahalliy organlari vakili 
ishtirokida amalga oshiriladi. 
17. So‘rov boshlanishidan oldin so‘rab chiqilayotganlarga o‘tkaziladigan kuzatuvning 
maqsad va vazifalari tushuntiriladi, kuzatuv o‘tkazilayotgan manzil bo‘yicha yashayotgan shaxslar 
soni aniqlanadi. 
So‘rovni o‘tkazishda barcha javoblar faqat so‘rab chiqilayotganlarning so‘zlari bo‘yicha 
to‘ldiriladi, bunda hujjatlar tekshirilmaydi. 
So‘rovnoma oilaning har bir a’zosiga alohida to‘ldiriladi. So‘rov o‘tkazilayotganda 
oilaning a’zolaridan kimdir hozir bo‘lmaganda, ular uchun javoblar oilaning boshqa voyaga yetgan 
a’zolaridan olinishi mumkin. 
18. To‘ldirilgan so‘rovnomalar intervyu oluvchilar tomonidan har kuni so‘rov tamom 
bo‘lgandan keyin supervayzerga taqdim etiladi. 
19. Supervayzyerlar butun davr mobaynida: 
har kuni intervyu oluvchilardan to‘ldirilgan so‘rovnomalarni qabul qilib oladilar; 
kuzatuvda hisobga olingan aholining to‘liq qamrab olinishi va sonini tekshiradilar; 
intervyu oluvchi tomonidan so‘rovnomalar to‘ldirilishining to‘liqligi va to‘g‘riligini 
nazorat qiladilar, so‘rovnoma savollariga javoblarni mantiqiy nazorat qiladilar; 
kuzatuv jarayonida yuzaga keladigan masalalar bo‘yicha intervyu oluvchilarga amaliy 
yordam beradilar; 
so‘rov usuli bilan intervyu oluvchilar tomonidan kuzatilgan uy xo‘jaliklarini tanlab 
nazorat tartibida aylanib chiqadilar. 
Intervyu oluvchilardan qabul qilingan to‘ldirilgan so‘rovnomalar aholi punktlarida 
kuzatuv tamom bo‘lgandan keyin supervayzer tomonidan So‘rovnomalarni avtomatlashtirilgan 
tarzda umumlashtirish bo‘yicha vaqtinchalik markazlarga taqdim etiladi.