ҲАҚИҚий тиббиёт (Йўқотилган шифо изидан) Нашрга тайёрлаган: Хадича Мисга Нашриёт

Аллергия

Табиатда миллионлаб табиий аллергeнлар мавжуд. Бунга биноан, инсон танасида ҳар бир аллергeнга қарши иммунитет тизими антигeн (antikor) яратилган.
Антигeнлар пассив ҳолатда бўлиб, аллергeнлар билан қаршилашганда танани мудофаа қилишади
Аллергия - иммунитет тизимининг аллергенга берган реакциясидир.
Уйдаги чанглар, моғор қўзиқоринлари, қовоқ, ит, қуш патлари, пенисилин каби дорилар, эмлашлар, кир порошоклари, кир ҳаво, турли кимёвий моддалар, деҳқончилик дорилари, тайёр таомларнинг қўшимча моддалари каби моддалар аллергик хусусиятли ҳисобланади.
Сунъий ем билан озиқланган сигир сути, сут кукуни, сунъий озиқланган товуқлар тухуми, тухум кукуни, туриб қолган тухум, ҳовузда етиштирилган GM балиқлар ва GM маҳсулотлари аллергияга энг кўп сабаб бўлган озуқалардир.
Тайёр таомлардаги ранг берувчи, қуруқлигини оширувчи, ширинлаш- тирувчи, аромат ва сақловчи кимёвий қўшимча моддалар, аллергик на тижалар билан бирга жуда кўп касаллик ва саратонга олиб боради.
Аллергик касалликлар орасида энг кўп учраганлар - астма, синузит, бурун полиплари, бурун ва кўзларнинг қичиши ва оқиши, баҳор тумови (“сенная лихорадка”) аллергик ўрта қулоқ яллиғланиши ва эгзема каби касалликлар; таомларга, турли дори ва кимёвий моддаларга, ари ва ҳашорат дориларига боғлиқ аллергик реакциялардир.
Жойлашган жойига кўра, турли белгилар кузатилади: лаблар, тил ва томоғда - шиш, қизиш ва қичиш; юзда - қизариш; қорин оғриғи, чанқаш, ич кетиши; аксириш, бурунда - қичиш, оқиши ва тиққин; кўзда - ёшланиш, қичиш; қулоқда - қичиш, бош ва қулоқ оғриғи; нафас қисиши, йўтал, хириллаш, кўкракнинг сиқилиши; терида - қичиш ва тўкилишлар.
Бу белгиларнинг кризислар шаклида чиқиши, бир муддатдан сўнгра ўз-ўзидан ўтиши ва яна такрорланиши - аллергик касалликларнинг типик хусусиятидир.
Аллергик касалликлар, технологиянинг ривожланиши, таркибида қўшимча модда бўлган таомлар ейиш, тиббий дори ва кимёвий модда ишлатишнинг ортиши, сув-ҳаво ва тупроқнинг кирланиши, уйда ҳайвон боқиш каби сабаблардан борган сайин ортмоқда.
Баҳор тумови, баҳор ойларида такрорланган, дарахт, тиканак ва ўт поленларига боғлиқ, замонавий тиббиётда давоси топилмаган аллергик реакциядир. (“Фасллар ва Соғлиқ” бўлимига қаранг.)