Ajratish usulida turli murakkablikdagi pozitsion va metrik masalalarni yechish

AJRATISH USULIDA TURLI MURAKKABLIKDAGI POZITSION VA METRIK MASALALARNI YECHISH
Reja:


1. Proyeksiya tekisliklarini almashtirish usulidan foydalanib masalalar yechishni o’rgatish.
2. Aylantirish usulida masala yechishni o‘rgatish.
3. Ustma-ust qo’yish(jipislashtirish) usulida masala yechishni o‘rgatish.
4.Tеkis- parallеl harakatlantirish usulida masala yechishni o‘rgatish.
1. Proyeksiya tekisliklarini almashtirish usulidan foydalanib masalalar
yechishni o’rgatish.
1–masala. A(A′,A″) nuqtadan ∆BCD(∆B′C′D′,∆B″C″D″) tekislikkacha bo‘lgan masofani aniqlansin (4.1–rasm).
Echish. Bu masofa A nuqtadan ∆BCD tekislikka tushirilgan perpendikulyar bilan o‘lchanadi. Masalani yechish uchun chizmada yangi proyeksiyalar o‘qini uchburchak tekisligining asosiy chiziqlaridan biriga, masalan, gorizontaliga perpendikulyar, ya’ni O₁x₁B′1′ qilib o‘tkaziladi. So‘ngra uchburchakning to‘g‘ri chiziq kesmasi shakldida proyeksiyalangan yangi proyeksiyalovchi D″₁B″₁C″₁ vaziyatini va nuqtaning A″₁ proyeksiyasi yasaladi. Izlangan masofaning haqiqiy uzunligi A″₁ dan D″₁B″₁C″₁ kesmaga o‘tkazilgan A″₁K″₁ perpendikulyar bo‘ladi. Bu masofaning gorizontal va frontal proyeksiyalari teskari proyeksiyalash bilan K′ va K″ proyeksiyalarni aniqlanadi. Mazkur K′ va K″ nuqtalar A nuqtaning A′ va A″ proyeksiyalaridan uchburchakning gorizontal hamda frontallariga mos ravishda tushirilgan perpendikulyarning proyeksiyalarida bo‘ladi.

rasm.


2–masala. ∆ABC(∆A′B′C′, ∆A″B″C″) va ∆EFD(∆E′F′D′, ∆E″F″D″) tekisliklar kesishish chizig‘ining proyeksiyalari va uchburchaklarning ko‘rinishligi aniqlansin. (4.2–rasm).