Allergiyaga qarshi dorilar

Immun rag‘batlantiruvchi vositalar
Immuntanqis xolatlarda, surunkali infeksiyalar, xavfli o‘simtalarning kompleksterapiyasida immun jarayonlarni rag‘batlantiruvchi (meyorlashtiruvchi) vositalar qo‘llaniladi. Immunrag‘batlantiruvchi sifatida biogen moddalar (timus, interferon, interleykin-2 dori vositalari, BSJ) va sintetik birikmalar (masalan levamizol) qo‘llaniladi.
Tibbiyot amalyotida timusni immun javobni rag‘batlantiruvchi ta’sirga ega bo‘lgan qator dori vositalari (timalin,taktivin, va boshqalar) qo‘llaniladi.Ular polipeptidlar yoki oqsillarga qarashli.Taktavin(T-aktavin) T-limfotsitlar soni va funksiyasini meyorlashtiradi (immuntanqis xolatlarida) sitokinlar ishlab chiqarilinishini rag‘batlantiradi, T-killerlarni susaygan funksiyasini tiklaydi va uni immuntanqis xolatlarda (onkologik bemorlarni nur bilan davolash va ximiyaterapiyasi, surinkali yiringli va yallig‘lanishli jarayonlar va shunga o‘xshash) limfagranulomatozda, limfaleykozda, tarqoq sklerozda qo‘llaniladi. Sitokinlar guruhiga mansub bo‘lgan interferonlar viruslarga qarshi immun rag‘batlantiruvchi va antiprolifirativ ta’sirlarga ega. α-, β- va γ- interferonlar ajratilgan. Immunitetni kuchli darajada boshqarish xossasiga γ- interferon ega. Interferonlarni immunotrop ta’siri makrofaglarni, T-limfotsitlarni va tabiiy killer xujayralarni faollashtirishda namoyon bo‘ladi. Inson donor qonidan olinadigan interferonlarni tabiiy (interferon, interlok), hamda rekombinant interferonlar (reaferon, intron-A, bettaferon) dori vositalari chiqarilmoqda. Ularni ko‘pincha virusli infeksiyalar (masalan: gripp, gepatit), hamda ba’zi o‘sma kasalliklarida (B-xujayralarning limfomasi) qo‘llashadi. Bundan tashqari immunorag‘batlantiruvchi sifatida ba’zan endogen interferonlar ishlab chiqarishni kuchaytiruvchi interferonogen deb ataluvchilarni (poludan, prodigiozan) qo‘llashadi.Immunorag‘batlantiruvchi sifatida ba’zi interleykinlarni masalan: rekombinant interleykin-2 ni tavsiya etishadi. BSJsilga qarshi vaksinasiya uchun qo‘llaniladi. Xozirgi vaqtda ushbu dori vositani ba’zan xavfli o‘simtalarni kompleks davolashda qo‘llashmoqda. BSJ makrofaglarni, chamasi, T-limfotsitlarni rag‘batlantiradi ba’zi ijobiy natijalar o‘tkir mieloid leykemiyasida , limfomalarni ba’zi xillarida (xodjikin limfomasiga tegishli bo‘lmagan), ichak va ko‘krak bezi rakida , peshob xaltasining yuzaki rakida qayd etilgan. Sintetik dori vositalardan biri bo‘lib, levamizon (dekaris) xisoblanadi . Gidroxlorid ko‘rinishida qo‘llaniladi. Kuchli darajada gijjalarga qarshi va immun rag‘batlantirish ta’siriga ega. Oxirgisining mexanizmi to‘liq aniqlanmagan. Levamizon makrofaglar va T-limfotsitlarga rag‘batlantiruvchi ta’sir ko‘rsatishi xaqida ma’lumotlar mavjud. Antitelolar ishlab chiqarilishini u o‘zgartirmaydi. Binobarin levomizonning asosiy ta’siri xujayra immunetetini me’yorlashtirishda namoyon bo‘ladi. Uni immuntanqis xolatlarda, ba’zi surunkali infeksiyalarda, revmotoid artiritda va qator o‘smalarda qo‘llashadi. Levomizolni spetsifik ta’sir ko‘rsatuvchi dori vositalar bilan birgalikda qo‘llash uchun tavsiya etiladi. Bir marta ichilganda noxush ta’siri rivojlanmaydi. Shu bilan bir qatorda levamizonni davomli , ayniqsa katta dozalarda , qo‘llaganda turli xil va anchagina jiddiy noxush ta’sirlar yuzaga keladi. Jumladan kuchli darajada allergik reaksiyalar (toshma, isitmalash, stomatit) qon hosil bo‘lishini susaytirishi (neytropeniya, agranulotsitoz) bo‘lishimumkin. Bundantashqarinevrologik (qo‘zg‘alish, uyqusizlik, boshog‘rig‘i, boshaylanishi) va dispepsik o‘zgarishlar kuzatiladi. Qon hosil bo‘lishi susayishi mumkinligini inobatga olib levamizolni davomli qo‘llashda periferik qon holatini nazoratga olish darkor. Polioksidoniy va imunofan ham immun rag‘batlantirish xossasiga egadirlar.