Amaliy mashg`ulot uchun Mundarija

3. System.String bazaviy sinfi
System.String sinfi string tipidagi kattaliklar bilan ishlashga mo‘ljallangan bazaviy sinf hisoblanadi. Unda satrlar bilan ishlash uchun bir qator uslub va funksiyalar mavjud. Ularnnig ayrimlari bilan tanishib chiqamiz.
Matnni bo‘sh yoki bo‘sh emasligini tekshirish uchun String sinfining IsNullOrEmpty() uslubidan foydalaniladi.
Agar qator bo‘sh bo‘lsa yoki null qiymatli yoki bo‘sh bo‘lsa, funksiya qiymati true, aks holda false ga teng bo‘ladi.


static void Main(string[] args)
{
string s1 = null, s2 = "", s3 = "Hello";
String.IsNullOrEmpty(s1); // true
String.IsNullOrEmpty(s2); // true
String.IsNullOrEmpty(s3); // false
}


IsNullOrWhiteSpace() uslubi ham xuddi IsNullOrEmpty() uslubi kabi ishlaydi. Farqi: IsNullOrWhiteSpace() funksiyasi matn faqat null qiymatli yoki probel(“ ”), tabulyatsiya ("\t")dan tashkil topgan bo‘lsa, funksiya qiymati true, aks holda false ga teng bo‘ladi.

static void Main(string[] args)

{
string s1 = null, s2 = "\t", s3 = " ", s4 = "Hello";
String.IsNullOrWhiteSpace(s1); // true
String.IsNullOrWhiteSpace(s2); // true
String.IsNullOrWhiteSpace(s3); // true
String.IsNullOrWhiteSpace(s4); // false
}


Ikki matnni o‘zaro solishtirish uchun String sinfining Compare() uslubidan foydalaniladi. Bunda matnlarning o‘zaro farqi(katta yoki kichikligi) matndagi belgilarning alfavitda joylashgan o‘rniga qarab belgilanadi. Masalan “a” matn “b” matndan kichik, “bb” matn “b” matndan katta va sh.k. Agar solishtirish uchun qo‘yilgan ikki matnni birinchisi ikkinchisidan:
- kichik bo‘lsa, funksiya qiymati “-1” ga,
- o‘zaro teng bo‘lsa, funksiya qiymati “0” ga,
- katta bo‘lsa, funksiya qiymati “1” ga teng bo‘ladi.


static void Main(string[] args)
{
String.Compare("a", "b"); // -1
String.Compare("a", "a"); // 0
String.Compare("b", "a"); // 1
String.Compare("ab", "abc"); // -1
String.Compare("Romania", "Russia"); // -1
String.Compare("Rwanda", "Russia"); // 1
String.Compare("Rwanda", "Romania"); // 1
}

Agar solishtirilayotgan matndagi harflarning katta kichikligini hisobga olmaslik lozim bo‘lsa, funksiyada 3 chi argument sifatida “true” – xizmachi so‘zi ishlatiladi.

Masalan:
String.Compare("ab", "Ab"); // qiymat -1 teng
String.Compare("ab", "Ab", true); // qiymat 0 teng