Anjuman: Resurstejamkor qishloq va suv xo‘jalik mashinalarini yaratish va ulardan
foydalanish samaradorligini oshirish
27
1-rasm. 2018-2021 yillarda sabzi ekilgan
maydonning o‘zgarish dinamikasi.
Ma’lumotlardan shuni aytish mumkinki, yildan-yilga sabzavotga bo‘lgan talab
oshib borayotgani sababli sabzi ekin maydonlarining ko‘payayotgani ichki
bozorlarimizni to‘ldirish bilan birga ularni eksport qilish imkonini yaratayapti. Sabzi
ekilgan maydon ko‘payishi bilan sabzi urug‘ini ekadigan mashinalarga bo‘lgan talab
oshmoqda.
Hozirgi kunda Respublikamizda sabzi urug‘ini ekadigan mashinalarning
kamligi, mavjud ekish mashinalari esa agrotexnik talabga javob bermasligi sababli
ko‘pchilik joylarda sabzini ekish qo‘l bilan sepish orqali amalga oshirilmoqda.
Sepilgan urug‘lar ham qo‘lda tirmalar yoki boshqa ish qurollari bilan ko‘milmoqda.
Bunday usulda ekilgan urug‘ dala sirtida notekis taqsimlanadi, natijada uning
oziqlanish maydoni turlicha bo‘lib qoladi. Urug‘larning turli xil chuqurliklarga
ko‘milishi oqibatida nihollar notekis unib chiqmoqda. Bularning hammasi
hosildorlikning kamayishiga olib kelmoqda. Bulardan tashqari urug‘ning anchagina
qismi ko‘milmay qolmoqda. Bu yo‘qotishlarning o‘rnini to‘ldirish uchun ekish
me’yorini oshirilishiga yoki urug‘likni ortiqcha sarf bo‘lishiga to‘g‘ri kelmoqda.
Yuqoridagi muammolar O‘zbekistonning issiq iqlim sharoitida asosiy ekin
sifatida bahorda va takroriy ekin sifatida yozda bug‘doydan bo‘shagan dalalarga
pushta olib, sabzi urug‘ini ko‘p qatorlab ekadigan seyalka ishlab chiqish zaruriyatini
ko‘rsatmoqda.
Bunda yangi konstruksiyaga ega bo‘lgan seyalkaga quyidagicha talablar
qo‘yiladi.
Seyalkaning konstruksiyasini ishlab chiqish uchun unga dastlabki talablar va
texnik topshiriq ishlab chiqildi va ularda ishlab chiqiladigan seyalkaning asosiy
konstruktiv, texnologik va ish sifat ko‘rsatkichlariga bo‘lgan talablar shakllantirildi.
Ushbu talablar asosida seyalka va uni ishchi qismlarining 2D va 3D o‘lchamli
konstruksiyalari ishlab chiqildi.
Do'stlaringiz bilan baham: |
