Applikatsiya usulida barklardan qurish yasash

GEOMETRIK ShAKLLI APPLIKACIYaLAR

Bajarilish texnikasiga ko’ra applikaciyaning eng oddiy turlaridan biri geometrik shaklli applikaciyalardir. I-III sinf o’quvchilari geometrik shaklli applikaciyalarni bajarishda quyidagi bilimlarni egallaydilar.

1.Geometrik shakllar: kvadrat, to’g’ri burchak, uchburchak, aylana qog’oz bo’lagidan va o’lchov asboblari yordamida hosil bo’lishi haqidagi mavjud bilimlarini mustahkamlaydilar.
2.Badiiy didini o’stiradi, rasm darslarida polosa, doira, kvadratda ornamentlar tuzish bo’yicha olingan bilimlarni chuqurlashtiradilar.
3.Ayrim predmetlarni detalma-detal tahlil qilib, geometrik shakllarni to’g’ri idrok etishni o’rganadilar.
4.Bolalarning «ko’p», «kam», «uzunasiga», «ko’ndalangiga», «qism» va «qatlam», «ikki qismga qirqish», «to’rt qismga», «teng qismlarda» kabi tushunchalari mustahkamlanadi.
5.Bolalar ranglar uyg’unlgini to’g’ri tanlashni o’rganadilar.
Ularda estetik did tarbiyalanadi. Geometrik shaklli applikaciyalarni ham dekorativ-ornament, predmet, syujetli applikaciyalarga ajratish mumkin.

GEOMETRIK FIGURALARDAN PREDMETLI APPLIKACIYa

Bolalarning predmetlarni fazoviy idrok etishi rivojlanishi kerak. Buni o’rab turgan narsalar: uy, archa daraxt, mashina, idishtovoq, jonivorlar, gullar va shu kabilarni u yoki bu darajada geometrik shakllar bilan ifodalash mumkin.

Rangli qog’ozlardan olingan doiralar va ularning qismlari bilan aplikaciya bo’yicha juda ko’p geometrik ishlarni bajarish mumkin. Doiralarning har birini shunday joylashtirish kerakki, natijada talab qilinadigan kontur paydo bo’lsin. Ishni qo’ziqorin, pufak kabi oddiy shakllarni bajarishni 1 sinfdanoq boshlash mumkin. 2-3 sinflarda murakkabroq ishlarni bajarish mumkin. Bu ishlar o’quvchilarda ijodiy va atroflicha tasavvo’rni, badiiy didni o’stirishga yordam beradi. Bolalarda qo’yilgan maqsadga erishish yo’lida qat’iyatlik, tartiblik tarbiyalanadi, uyushqoqlik bilan ishlash ko’rsatmalarga rioya qilish, tashabbuskorlik ko’rsatish ko’nikmalari shakllanadi. O’quvchilar tayyorlagan applikaciyalar ona tili va matematika darslari uchun ajoyib dedaktik material, o’quvchilar nutqini o’stirish vositasi bo’lishi, ularning predmetlar shakli, rangi, fazoda joylashishi haqidagi tushunchalarini boyitishga xizmat qilishi mumkin.