Arizachi: Teshayev Tesha Teshayevichdan Toshkent sh, Olmazor k 3/1 [phone] Javobgar

O‘ZBEKISTON RESPUBLIKASI NOMIDAN HAL QILUV QARORI 
 
2022-yil iyul oyining 10-kuni Toshkent tumanlararo ma’muriy sudi o‘z 
binosida, ochiq sud majlisida,
sudya: F.U. Baxtiyorovaning raisligida, 
sudya yordamchisi K.Kaminayevning kotibligida, taraflar hamda Yangihayot 
tuman prokurori yordamchisi N.N.Saidjonovning ishtirokida, arizachi Teshayev 
Tesha Teshayevichning javobgar Yangihayot tuman hokimiyati mansabdor 
shaxslarining xatti-harakatini qonunga xilof deb topish va majburiyat yuklash 
haqidagi shikoyati bo‘yicha yuritilgan _________-sonli ma’muriy ishni ko‘rib 
chiqib quyidagilarni, 
ANIQLADI: 
Sudga arizachi Teshayev Tesha Teshayevich shikoyat bilan murojaat qilib, 
Yangihayot tuman hokimiyati mansabdor shaxslarining 22.06.2022 yildagi 1/6-389-
sonli javob xati bilan uy-joyga muhtoj sifatida ro‘yxatga olishni rad etishda 
ifodalangan xatti-harakatlarini qonunga xilof deb topish va huquqlarini majburiyat 
yuklash orqali tiklab berishi so‘ragan. 
Sud majlisida arizachi Teshayev Tesha Teshayevich shikoyat talablarini 
qo‘llab-quvvatlab, unda ko‘rsatib o‘tilgani kabi tushuntirishlar berib, suddan uni 
to‘liq qanoatlantirishni so‘radi.

---

Sud majlisida javobgar Yangihayot tuman hokimligi vakili D.D.Do‘stovning 
shikoyatni qanoatlantirishni rad etish haqidagi nutqini tinglab, ishdagi hujjatlarni 
atroflicha o‘rganib va ularga huquqiy baho berib quyida xulosaga keladi. 
O‘zbekiston Respublikasi Ma’muriy sud ishlarini yuritish to‘g‘risidagi 
Kodeksining 185-moddasiga ko‘ra, manfaatdor shaxs ma’muriy organning, 
fuqarolar o‘zini o‘zi boshqarish organining qarorlarini haqiqiy emas, ular mansabdor 
shaxslarining harakatlarini (harakatsizligini) qonunga xilof deb topish to‘g‘risida 
ariza (shikoyat) bilan, agar bu qaror, harakatlar (harakatsizlik) tufayli: uning 
huquqlari va qonun bilan qo‘riqlanadigan manfaatlarini buzgan; uning huquqlari, 
erkinliklarini amalga oshirishga va qonuniy manfaatlarini ro‘yobga chiqarishga 
to‘siqlar vujudga keltirgan; uning zimmasiga qonunga xilof ravishda biror-bir 
majburiyat yuklagan; uning u yoki bu sohadagi faoliyatni amalga oshirishi uchun 
boshqa to‘siqlar vujudga keltirgan deb hisoblasa, sudga murojaat qilishga haqli. 
Ish hujjatlaridan ko‘rinishicha, arizachi T.Teshayev 2022-yil 20-iyun kuni 
Yangihayot tuman hokimligiga uy-joyga muhtoj bo‘lganlar hisobiga kiritilishini 
so‘rab murojaat qilgan. 
Yangihayot tuman hokimligining 22.06.2022 yildagi 1/6-389-sonli xati orqali 
arizachining uy-joyi sharoitlarini yaxshilashga muhtoj bo‘lganlar hisobiga kiritilishi 
rad etilganligi ma’lum qilingan. 
Bundan norozi bo‘lgan Teshayev Tesha Teshayevich sudga shikoyat bilan 
murojaat qilgan.
O‘zbekiston Respublikasi Uy-joy kodeksining 5-moddasida, mahalliy davlat 
hokimiyati organlarining vakolatlariga aholining ijtimoiy jihatdan himoyalanmagan 
va kam ta’minlangan toifalari orasidan uy-joy sharoitlarini yaxshilashga muhtoj 
bo‘lgan fuqarolarni hisobga olish hamda ularni aniq maqsadli kommunal uy-joy 
fondidan uy-joy bilan ta’minlash kirishi ko‘rsatib o‘tilgan.
O‘zbekiston Respublikasi Vazirlar Mahkamasining 2019-yil 26-fevraldagi 
170-sonli qaroriga 1-ilova bilan tasdiqlangan “Uy-joy sharoitlarini yaxshilashga 

---

muhtoj bo‘lgan fuqarolarni hisobga olish, davlat uy-joy fondidagi turar joylarni 
taqsimlash va taqdim etish tartibi to‘g‘risida”gi Nizom O‘zbekiston 
Respublikasining Uy-joy kodeksiga muvofiq, uy-joy sharoitlarini yaxshilashga 
muhtoj bo‘lgan fuqarolarni hisobga olish va O‘zbekiston Respublikasi hududida 
joylashgan davlat uy-joy fondidagi turar joylarni taqsimlash hamda taqdim etish 
tartibini belgilaydi. 
Nizomning 10-bandida Quyidagilar uy-joy sharoitlarini yaxshilashga muhtoj 
deb hisoblanadi: 
a) turar joy maydoniga ega bo‘lmagan yoki yashash uchun yaroqsiz uy-
joylar (baraklar, vaqtinchalik uylar, avariya holatidagi uylar, yerto‘lalar)da 
yashovchi fuqarolar; 
b) har bir oila a’zosi o‘n olti kvadrat metrdan, kresol-aravachada 
harakatlanadigan nogironligi bo‘lgan shaxslar uchun – yigirma uch kvadrat 
metrdan kam bo‘lgan turar joy bilan ta’minlanganlar; 
v) yotoqxonalarda, ishlab chiqarish va xizmat xonalarida yashovchilar, 
bundan mavsumiy va vaqtinchalik xodimlar shuningdek, o‘qishlari sababli 
yotoqxonalarga ko‘chib o‘tgan fuqarolar mustasno; 
g) qarindoshlik aloqalari bo‘lmagan ikki va undan ko‘p oila bo‘lib bir 
kvartirada yashovchilar; 
d) alohida kvartirada yashashga muhtoj bo‘lib, O‘zbekiston Respublikasi 
Sog‘liqni saqlash vazirligi tomonidan tasdiqlanga ayrim surunkali 
kasalliklarning og‘ir shakllariga chalinganlar; 
e) uy-joy ajratilayotgan aholi punktida kamida uch yil yashayotgan va 
ro‘yxatda turgan fuqarolar. 
Sud davomida aniqlangan holatlar va ish hujjatlariga ko‘ra, arizachi 2018-
yil 16-iyul kuni Toshkent shahar, Yunusobod tumani notatial idorasida 
tasdiqlangan reestrda 8-88888-son bilan qayd etilgan oldi-sotdi shartnomasiga 
asosan, umumiy maydoni 66,66 yashash maydoni 40,9 kv metr yashash xonalari 

---

soni 3 tadan iborat bo‘lgan Toshkent shahar, Yunusobod tumani, 8-mavze, 40-
uy, 21-xonadonni sotib olgan. 
Keyinchalik o‘ziga tegishli ushbu uy-joyni 2020-yil 11-aprelda 
Yunosobod tumani notarial idorasida tasdiqlangan reeystrda 09090909-reestr 
raqami bilan qayd etilgan oldi-sotdi shartnomasiga asosan Mamadaliyev Ali 
Aliyevichga sotgan. 
Ishda mavjud hujjatlardan aniqlanishicha mazkur xonadonda hozirgi 
kunda arizachining yaqin qarindoshlari qizi Pardayeva Parda Pardayevna, 
nabiralari doimiy ro‘yxatga qo‘yilgan. 
Shuningdek, arizachi umumiy maydoni 35,27 kv metr yashash maydoni 
14,78 kv metr bo‘lgan Yangihayot tuman, O‘zar ko‘chasi 41-uy-joyning 7-
xonadonini 2020 yil 11 fevral kungi 184-sonli ko‘chmas mulk sotish 
shartnomasiga asosan xarid qilgan.
Keyinchalik, mazkur uy-joy Toshkent shahar Yunusobod tumanidagi 
xususiy amaliyot bilan shug‘ulanuvchi notarius N.Salimova tomonidan 
tasdiqlangan 2020 yil 26 dekabr kungi xadya shartnomasiga asosan arizachi 
tomonidan nabirasi U.Pardayevga xadya qilingan. U.Pardayev esa o‘zining 
Toshkent shahri Chilonzor tumani Xuroson mahallasi 60/75-uyida istiqomat 
qiladi. O‘zbekiston Respublikasi IIV Migratsiya va fuqarolikni rasmiylashtirish 
bosh boshqarmasi “Manzil” tizimi ma’lumotiga ko‘ra arizachining Yangihayot 
tuman, O‘zar ko‘chasi 41-uy-joyning 7-xonadoniga doimiy ro‘yxatga qo‘yilgan 
va yakka o‘zi istiqomat qiladi. 
Bunday holda sud Yangihayot tuman hokimligi mansabdor shaxslarining 
22.06.2022 yildagi 1/6-389-sonli javob xati bilan uy-joyga muhtoj sifatida 
ro‘yxatga olishni rad etishda ifodalangan harakatlarini qonun hujjatlari 
talablariga muvofiq emas deb topishga asoslar mavjud emas degan xulosaga 
keladi. 

---

O‘zbekiston Respublikasi Ma’muriy sud ishlarini yuritish to‘g‘risidagi 
Kodeksning 189-moddasi 3-qismiga ko‘ra, sud agar ustidan shikoyat 
qilinayotgan qaror yoki uning ayrim qoidalari yoxud harakatlar (harakatsizlik) 
qonunga muvofiq ekanligini hamda arizachining huquqlari va qonun bilan 
qo‘riqlanadigan manfaatlarini buzmayotganligini aniqlasa, u arz qilingan talabni 
qanoatlantirishni rad etish to‘g‘risida hal qiluv qarori qabul qiladi. 
Sud, qonun talablari va aniqlangan holatlardan kelib chiqib, arizachi 
Teshayev Tesha Teshayevichning javobgar Yangihayot tuman hokimligi 
mansabdor shaxslarining 22.06.2022 yildagi 1/6-389-sonli javob xati bilan uy-
joyga muhtoj sifatida ro‘yxatga olishni rad etishda ifodalangan xatti-harakatlarini 
qonunga xilof deb topish va majburiyat yuklash haqidagi shikoyatini 
qanoatlantirishni rad etishni lozim topadi. 
Sud, davlat boji va pochta harajatlari masalasini muhokama qilib, shikoyat 
bilan murojaat qilishda arizachi tomonidan to‘langan _______ so‘m davlat boji 
va _________ so‘m pochta harajati to‘lovlari bilan chegaralanishni lozim deb 
hisoblaydi. 
Yuqoridagilarga asosan va O‘zbekiston Respublikasi Ma’muriy sud 
ishlarini yuritish to‘g‘risidagi Kodeksining 185-189, 154-158-moddalariga amal 
qilib, sud