Article · December 020 citations reads 1,086 author: Some of the authors of this publication are also working on these related projects

3. Tadqiqot natijalari:
Hozirgi kunda o`zining oilaparvar va bolajon xalq sifatida boshqa xalqlardan ajralib
turadigan o`zbek xalqining bola tarbiyasi va oilaviy munosabatlar masalasini o`rganish,
tadqiqotchilar tomonidan ikki boshqichda amalga oshirilgan. Adabiyotlarni xronologik jihatdan 2
ga ya’ni, mustaqillikkacha va mustaqillik yillarida yozilgan adabiyotlarga bo`lish mumkin. Lekin
tadqiqot davrida ma’lumotlarni qiyosiy o`rganish, an’analarning saqlanish darajasini tahlil qilish
maqsadida Markaziy Osiyo xalqlari turmush tarzi, oilaviy munosabatlari, shu jumladan, bola
tarbiyasiga oid ma’lumotlar keltirilgan manbalar va XIX asr oxiri – XX asrning birinchi yarmiga
tegishli bo`lgan tarixiy-etnografik asarlar va adabiyotlardan ham foydalanildi. Xususan, XIX asr
oxiri – XX asr boshlarida Rossiya imperiyasi Markaziy Osiyoni istilo qilgach, ruslar tomonidan
mahalliy xalqlarni o`rganish maqsadida ularning madaniyati, turmush tarziga oid qimmatli
ma’lumotlar yig`ilgan edi [4].
XX asrning 20-30-yillaridan boshlab, xalqlarni tarixiy-etnografik jihatdan o`rganish
yuzasidan yangi harakatlar boshlanishi natijasida hududlarda etnografik tadqiqotlar uyushtirildi va
bir qator maqolalar chop etildi[5]. Yuqorida ko`rsatib o`tilgan adabiyotlarda ikki holatni kuzatish
mumkin. Birinchidan, ayrim rus mualliflarining asarlarida shovinistik qarashlarning ta’siri sezilib
turadi. Shuning uchun ular o`sha davr o`zbeklar hayoti va urf-odatlarini xolislik bilan yoritganlar
deb o`ylash noo`rin. Shu bois ularga tanqidiy qarshalar bilan yondashmoq kerak.
Ikkinchidan, bu davrda yaratilgan tadqiqot ishlari, asosan, tavsifiy harakterda bo`lib,
tadqiqotchilar ko`proq bola tug`ilishi va tarbiyasiga tegishli ayrim urf-odat va marosimlarning qay
tartibda o`tkazilishiga e’tibor qaratganlar, xalos. Shunga qaramay, bu ma’lumotlar juda ahamiyatli
va ilmiy-amaliy ahamiyatga ega.
Bevosita o`rganilayotgan davrga tegishli adabiyotlar to`g`risda fikr yuritadigan bo`lsak ,
ko`rsatilgan birinchi davrda o`rganilayotgan mavzuga oid ilmiy adabiyotlar juda kam bo`lib, ayni
paytda ushbu mavzu tadqiqot obyekti sifatida emas, aksincha keng qamrovli, umumiy tadqiqotlar
doirasida o`rganilgan. Xususan, O.A.Suxareva va M.A.Bikjonovalar Namangan viloyati Chortoq
Tumanining Oyqiron qishlog`ini etnografik jihatdan o`rganar ekanlar, aholining oilaviy
munosabatlari hamda oilaviy urf-odat va marosimlarini ham tadqiq etganlar. Shunda mazkur
qishloq aholisining bola tarbiyasiga oid an’analariga ham e’tibor qaratiladi[6].

---