Aslonov ilhom nizomovich arapbaeva damegul kurbanovna

2. Psixometrik 
mashgʻulotlar. Keyingi hamkorlik uchun oʻziga 
«oʻxshashlik» yoki «farqlar» boʻyicha sherik tanlash vazifasi: turli usullardagi 
«xotirjamlik» va «zoʻriqish» holatlari; «guruhiy portret» va «haykaltaroshlik» 
asarlarini yaratish mashgʻulotlari. 
3. Turli xatti-harakatlarni amaliy bajarishni mashq qilishga moʻljallangan 
mashgʻulotlar. Ikki yoki uch kishi boʻlib bajariladi. Ularga sheriklarni tushunishga 
yoʻnaltirilgan, oʻzaro hamkorlik strategiyasini oʻzgartirishga qaratilgan, oʻzaro 
aloqani oʻrnatishga his etishga yoʻnaltirilgan verbal va noverbal mashqlar kiradi. 
«Etakchilik» holatidan «boʻysunish» holatiga oʻtish, «bir-biridan nusxa koʻchirish», 
«psixoterapevtik aloqa», «istaklarni topish» va boshqalar.  

---

19 
Taklif etilgan mashqlarning noodatiyligi tufayli tinglovchilarning mashgʻulot 
chogʻida oʻzlariga xos boʻlmagan xatti-harakatlarni bajarishlariga toʻgʻri keladi va 
bu muomaladagi siqiqlikni bartaraf etishga yordam beradi. Jismoniy aloqaga alohida 
urgʻu berish zarur: «broun harakati» dagi oddiy jismoniy muloqot hamda oʻz 
jarayonida qatnashchilarning «shu yerda va shu paytdagi» his-tuygʻulari haqidagi 
suhbatlari asosida kechadigan, bir-birlarining oʻziga xos holatlarini tushunishga 
qaratilgan 
«qalbdan suhbat» mashqi. SHuni ham tahkidlash joizki, 
mashgʻulotlarning samaradorligi birgalikdagi faoliyat uchun zarur muhitni 
tahminlashga bogʻliqdir.
Umumiy metodologik tamoyillar shaxs va jamiyat munosabatlari asosida 
yotadi. Ijtimoiy psixologiya fani doirasida esa psixologiya va sotsialogiyadagi 
metodologik tamoyillar tadqiqotning metodologik asosini tashkil etadi. 
Muomala psixologiya fanining asosiy kategoriyalaridan biri hisoblanib, u oʻz 
ichiga shaxslararo munosabatlarning eng muhim mexanizmlarini qamrab oladi. 
Ushbu fundamental kategoriyani chuqur tushunmay turib, xoʻjalik faoliyati 
sharoitida inson resurslaridan foydalanish va uni takomillashtirishda zamonaviy 
metodlaridan foydalanishning imkoniyati boʻlmaydi. 
Oʻzaro munosabatlarga kirishayotgan tomonlar munosabatdan 
koʻzlaydigan asosiy maqsadlari — oʻzaro til topishish, bir-birini tushunishdir. 
Muloqot faoliyati shunday shart-sharoitki, unda har bir shaxsning individualligi, 
betakrorligi, bilimlar va tasavvurlarning xilma-xilligi namoyon boʻladi.
SHuning uchun ham hozirda muomala, uning tabiati, texnikasi va strategiyasi, 
muloqotga oʻrgatish (ijtimoiy psixologik trening) masalalari bilan shugʻullanuvchi 
fanlarning ham jamiyatdagi oʻrni va salohiyati keskin oshdi.