Асосий тушунча ва атамалар Тадбиркорлик деганда

Асосий тушунча ва атамалар


Тадбиркорлик деганда – кишиларнинг фойда олиш мақсадида таваккалчилик асосида ўз маблағлари, мулки, билими ва имкониятларини ишга солиб, товар ишлаб чиқариш ва хизмат кўрсатиш фаолияти тушунилади.
Тадбиркорлик фаолияти – тадбиркорлик субъектлари томонидан қонун хужжатларига мувофиқ амалга ошириладиган, ўзи таваккал қилиб, ўз мулкий жавобгарлиги остида даромад олишга қаратилган ташаббускорлик фаолиятидир.
Ўзбекистон Республикасининг 2012 йил 2-майдаги Ўзбекистон Республикаси Қонунининг №328-сонли янги таҳриридаги “Тадбиркорлик фаолияти эркинлигининг кафолатлари тўғрисида”ги Қонуни 3-моддаси.
Бизнес – эса қонунчилик доирасида, ўз мулкий жавобгарлиги остида даромад топишга қаратилган ҳар қандай ишбилармонлик фаолиятидир.
Тадбиркор – тадбиркорлик лаёқатига, яъни қандайдир турдаги товар ишлаб чиқариш ёки хизмат кўрсатиш жараёнини ташкил эта олиш борасида билим, кўнима ва тажрибага эга шахс.
Тадбиркорликнинг ташкилий – ҳуқуқий шакллари

1. 
   Якка тартибдаги тадбиркорлик (ЯТТ)
   
2. 
   Микрофирмалар
   
3. 
   Оилавий тадбиркорлик (корхона)
   
4. 
   Ҳусусий корхоналар
   

Маркетинг – бозор талабларини ўрганишга асосланган ҳолда маҳсулот ишлаб чиқариш ва сотишни ташкил этиш.
Маркетингнинг мақсади – истеъмолчилар талабини максимал даражада қондириш орқали юқори фойда олиш ҳамда товар сотишнинг энг юқори ҳажмини таъминлаш
Бунинг учун маркетингнинг қуйидаги вазифалари орқали эришилади.

• 
  товар ва хизматларга бозор талаби ва уни қондириш билан боғлиқ
  

муаммоларни ўрганиш;

• 
  бозордаги рақобат ва рақобатчиларни ўрганиш;
  
• 
  товар сотишнинг самарали усулларини аниқлаш;
  
• 
  талабга мувофиқ ҳолда товар ишлаб чиқаришни режалаштириш;
  
• 
  товар ва хизматлар тўғрисида ахборот билан таъминлаш;