Асосий воситалар. Бошланғич қиймат. Амортизация. Асосий воситаларни тан олиш шартлари

АВ қонун ҳужжатларида белгиланган тартибда консервациялашга ўтказилган ҳолатларда, АВни буткул тўхтатиш шарти билан объектни қуриб битказиш, тўлиқ жиҳозлаш, қайта қуриш, замонавийлаштириш, техник қайта қуроллантириш даврида амортизация ҳисобланмайди.

Амортизация – асосий қоидалар

Амортизация қилинмайди:
а) ер участкалари ва табиатдан фойдаланишга доир бошқа объектлар (сув, ер ости бойликлари ва бошқа табиий ресурслар);
б) маҳсулдор чорва моллари;
в) ахборот-кутубхона фонди;
г) қонун ҳужжатларида белгиланган тартибда консервациялашга ўтказилган асосий воситалар;
д) музей ашёлари;
е) моддий маданий мерос объектлари;
ж) умумий фойдаланишдаги автомобиль йўллари, йўлаклар, сайилгоҳлар, хиёбонлар, маҳаллий давлат ҳокимияти органлари тасарруфида бўлган ободонлаштириш иншоотлари;
з) тўлиқ амортизацияланган асосий воситалар

Солиқ солиш мақсадида Солиқ кодексида йиллик белгиланган амортизация меъёрлари доирасидаги ажратмаларгина чегириладиган харажатлар ҳисобланади.

Амортизация усуллари

Асосий воситаларнинг амортизациясини ҳисоблаш усуллари
Тенг маромли ҳисоблаш усули (тўғри чизиқли усул)
Ишлаб чиқариш усули
Икки баравар амортизация меъёри билан қолдиқни камайтириш усули

Асосий воситалар бўйича амортизация ҳисоблаш
Дебет	Кредит
2010 «Асосий ишлаб чиқариш» 2310 «Ёрдамчи ишлаб чиқариш» 2510 «Умумишлаб чиқариш харажатлари» 2710 «Хизмат кўрсатувчи хўжаликлар» 9400 «Давр харажатлари» ва бошқалар	0211-0299 «Асосий воситаларнинг эскириши»

Танланган амортизация усули бухгалтерия ва солиқ ҳисоби сиёсатида кўрсатилиши зарур.

Амортизация – тўғри чизиқли усул

Тенг маромли ҳисоблаш усули (тўғри чизиқли усул) - амортизация асосий воситаларнинг фойдали хизмат муддати давомида уларнинг қийматидан келиб чиққан ҳолда ҳар бир даврда тенг улушда ҳисоблаб чиқарилади.
Мисол:
Асосий воситанинг дастлабки қиймати -279 000 000 сўм
Асосий воситанинг тугатиш қиймати -9 000 000 сўм
Фойдаланиш муддати – 5 йил
1 ой учун амортизация суммаси қанча суммада ҳисобланиши керак?