Asosiy texnologik jarayon va qurilmalar

P = lim P/F (1.13)
F0
Bosimning yo‘nalishi va ta’siri suyuqlikning xamma nuqtalarida bir xil, chunki bu kuch xamma vaqt normal bo‘yicha yo‘nalgan bo‘ladi. Bunda bosimning kattaligi yuzaning shakliga va uning qanday joylashganiga bog‘lik emas. Bosim manometr va vaqumetrlarda o‘lchanadi. Qurilmalarda o‘rnatilgan priborlar ortiqcha (izb), nisbiy bosimni ko‘rsatadi. Bunga atmosfera bosimini kushib absolyut bosim topiladi.
Rabs = Rman + Ratm. (Rabs. = Rnis + Ratm) (1.14)
Rman - manometr bilan o‘lchanadigan bosim.
Agar jarayon siyraklanish (vaquum) sharoitida ketsa, atmosfera bosim bilan siyraklanish orasidagi farq absolyut bosimni beradi.
Rabs = Ratm – Rvaq (1.15)
Rvaq - vaquummetr bilan o‘lchanadigan siyraklanish.
Bosimning SI sistemasidagi o‘lchov birligi N/m² yoki Pa. Bu birlik juda kichiq bo‘lganligi sababli, yiriklashtirilgan birliklar ishlatiladi: kilopaskal va megapaskal. (1kPa=10³Pa; 1mPa=10⁶ Pa).
Kimeviy texnologiya ishlab chiqarish tizimlarida gidromexanik jarayonlar alohida o‘rin tutadi. Ushbu jarayonlar qatoriga quyidagilarni kiritish mumkin:
- suyuqliklar, gazlar va ularning aralashmalarini texnologik quvurlar orqali uzatish;
- texnologik jarayonlarni amalga oshirish paytida hosil bo‘ladigan turli jinsli birikmalarni ajratish;
- suyuqlik muhitlarini mexanik aralashtirgichlar yordamida, pnevmatik uslubda yoki sirkulyasiya qilish tufayli aralashtirish;
- maydalangan qattiq material zarrachalari yoki sochiluvchan xom-ashyolarni siqilgan havo yordamida uzatish (pnevmotransport, aerozoltransport);
- xom-ashyo, materiallar va mahsulotlarga mavhum qaynash qatlamida ishlov berish va boshqalar.
Texnologik jarayonlarning intensivligi gidromexanika qonunlari asosida aniqlanadi.
kimeviy texnologiyasi jarayonlari va apparatlarini hisoblash paytida qurilmalardagi gidrodinamik sharoitlar (oqimlar tezligi va gidrodinamik strukturasi) hisobga olinadi. Bundan tashqari, suyuqliklar sarfini aniqlash, texnologik sig‘imlarni to‘ldirish (bo‘shatish) vaqtini aniqlash, nasoslarni tanlash kabi bir qator muhandislik masalalarining echimini topish uchun gidromexanika qonunlarini bilish zarur bo‘ladi.