Atir sovun tarkibi

4 yoki 8 bо‘lakdan ikkita qarama-qarshi bо‘laklar ajratilib (37-rasm) pichoqda, qirg‘ichda yoki sabzavot maydalovchi uskunada tez maydalanib qopqoqli bankaga solib qо‘yiladi. Bо‘laklar soni kо‘p bо‘lganda, ya’ni sovun qirindilari kо‘p xosil bо‘lganda ular aralashtirilib analiz uchun namuna diagonal bо‘lish usulida olinadi. Agar sovun qattiq qurigan bо‘lsa, qirindilar namlikni rostlash uchun 24 soatga eksikatorga solib qо‘yiladi.
Sovun sifatining asosiy kо‘rsatkichi bо‘lib sovun tarkibidagi yog‘ kislotalari tuzlari, smola va neft kislotalari xizmat qiladi.
Sovunning sifat soni – bu sovun bо‘lagining nominal massasini berilgan kislotalar soniga nisbatan % sonini chiqarish. Shunday qilib sifat soni bu sovun bо‘lagidagi kislotalarning grammlarda berilgan soni. bо‘laksimon bо‘lmagan sovun uchun sifat soni shu yuvish vositasining idishi nisbati orqali xisoblanadi.
Sovunda yog‘, smola va neft kislotalarining miqdori
GOST 790-69 «uy-rо‘zg‘or qattiq sovuni va atir sovun. Sinov usullari» bо‘yicha sovundagi yog‘, smola va neft kislotalarining miqdori xisoblanadi.
Yuqori chastotali titrlash eng yaxshi usul bо‘lib xizmat qiladi. Bu usul sovundagi yog‘, smola va neft kislotalarining miqdorini aniqlashni ta’minlaydi.
Sovundagi erkin о‘yuvchi ishqor va erkin sodaning massa qismi.
Sovun tayyorlashda ishqor nazariy xisob-kitoblardan kо‘proq qо‘shiladi. Shuning uchun tayyor sovunda xar doim erkin ishqor bо‘ladi. Erkin ishqorning miqdori texnik talablar bilan cheklanadi, chunki ishqor matolarni kir yuvish paytida buzadi va inson terisini yog‘sizlantirib quritib yuboradi. Sovundagi erkin ishqor va soda miqdorini aniqlash tayyor sovun sifatini nazorat qilishga imkon beradi.