Attestatsiya testlari

Matnni o‘qing va savollarga javob bering. 
Insho arabcha so‘z bo‘lib, «yaratish», «bino qilish», «qurish» ma’nosini beradi. Hozirgi 
tilimizda bu so‘zning ma’nosi ancha torayib, asosan, o‘quvchi va talabalar tomonidan 
yoziladigan «ijodiy yozma ish» ma’nosida qo‘llanadi.
Insho – muallifning ma’lum bir mavzu asosida o‘z fikrlarini yozma shaklda bayon 
qiluvchi kichik asar. Inshoda muallifning so‘z qo‘llash mahorati, fikrlash ko‘nikmasi, bilim 
va dunyoqarashi, savodi namoyon bo‘ladi.
Insho – o‘quvchi yaratadigan matn turi. Unda ma’lum bir mavzu mustaqil ravishda 
ochib beriladi. Inshoda o‘quvchining o‘z fikrlarini yozma shaklda to‘g‘ri, ravon, savodli 
bayon qilish malakasi aks etadi.
Inshoda mavzu bo‘yicha bilimlar yuzaga chiqadi. Yozuvchi va shoirlar, olim va 
muxbirlar o‘zi yozadigan asar, ilmiy ish, maqolaga katta mas’uliyat bilan qaragani kabi 
o‘quvchi ham insho yozishdan oldin unga har tomonlama tayyorlanishi lozim.
Katta-katta olimlar ijodiy ishlarini o‘quvchilik paytida insholardan boshlashgan. Insho 
yozish uchun, avvalo, bilim egallash zarur. Takror va takror yozish natijasida esa insho 
yozish ko‘nikma va malakasi shakllanadi. Yaxshi inshoning zamirida boy bilim va tinimsiz 
mashq yotadi.
Har qanday ish tartib bilan bajarilganligi kabi insho ham reja asosida yozilishi kerak. 
Puxta reja inshoning sifatini ta’minlashga xizmat qiladi. 
Inshoda o‘quvchining o‘z fikri va boshqa manbalardan olgan ma’lumotlari ajralib 
turishi kerak. Boshqalarning fikrini o‘zinikiday qilib berish ko‘chirmakashlik sifatida 
salbiy baholanadi. Inshoning har bir turi o‘ziga xos shakl va mazmun xususiyatiga ega. 
38. Yozuvchi va shoirlar, olim va muxbirlar o‘zi yozadigan asar, ilmiy ish, maqolaga katta 
mas’uliyat bilan qaragani kabi o‘quvchi ham insho yozishdan oldin unga har 
tomonlama tayyorlanishi lozim. Ushbu gapda shaxs oti necha o‘rinda qatnashgan?
A) 5 ta
B) 4 ta
C) 3 ta
D) 2 ta 

---

39. Inshoda muallifning so‘z qo‘llash mahorati, fikrlash ko‘nikmasi, bilim va dunyoqarashi, 
savodi namoyon bo‘ladi. Ushbu ma’lumot.... 
A) to‘g‘ri
B) noto‘g‘ri 
40. Puxta reja inshoning sifatini ta’minlashga xizmat qiladi. Ushbu gapning kesimi 
tuzilishiga ko‘ra qanday ifodalangan?
A) ot kesim
B) fe’l kesim
C) sodda kesim
D) murakkab kesim