Аутрайт форвард курси  Спот курс ± Форвард пунктлари

BID
OFFER
EURUSD 	0,9495	-	0,9505

Бунда ўртача курс 0,95 га тенг бўлади.
3.5.-жадвал
АҚШ доллари ва евродаги депозитлар бўйича 3 ойлик фоиз ставкалари

	Bid	Offer
USD	3,875	4,125	(ўртача ставка 4%)
EUR	4,875	5,125	(ўртача ставка 5%)

Банк дилери тақдим этган котировкалар қуйидаги кўринишга эга бўлади:

	BID		OFFER
Спот курс EURUSD 	0,9495	-	0,9505
 3 ойлик форвард пунктлари	-29 - -18
3 ойлик аутрайт курси EURUSD	0,9466	-	0,9487

Аутрайт форвард курсини топишда дилер спот курсига форвард пунктларини bid ва offer томонлари бўйича мос равишда қўшди. Форвард пунктлари манфий ишорада бўлгани сабабли, бу ерда айириш амали бажарилди.

• 
  Bid томони бўйича, худди спот курси котировкаларида каби, аутрайт форвард курсини котировкалайдиган банк келажакда етказиб бериш шартлари асосида базавий валютани сотиб олади (бизнинг вазиятда доллар эвазига еврони сотиб олади);
  
• 
  Offer томони бўйича банк форвард шартлари асосида базавий валютани сотади.
  

Форвард пунктлари ва аутрайт курсларини котировкалашда bid ва offer томонлари ўртасидаги маржа (спред) ҳажми ҳам контрагентлар мақоми, улар ўртасидаги муносабатлар, бозор ҳолати, маблағ миқдори ва бошқа шу каби омилларга боғлиқ бўлади.
Халқаро бозорларда фаолият юритувчи валюта дилерлари учун Рейтер агентлиги стандарт муддатларга белгиланган форвард пунктларининг жорий қийматлари ҳақидаги маълумотларни тақдим этади. Қулайлик учун бу маълумотлар банклараро кредитларнинг фоиз ставкалари билан биргаликда акс эттирилади.
Форвард курсининг қандай аниқланишини ёдда сақлаб қолиш учун дилерлар қуйидаги "зинапоя" қоидасини қўллашади:

• 
  Агар форвард пунктлари чапдан ўнгга қараб ошса (bid котировкаси offer котировкасидан паст бўлса) – спот санасидан кейинги валюталаш санасига аутрайт курсини аниқлашда форвард пунктлари спот курсига қўшилади.