Автоматлаштирилган ахборот тизимларининг асосий компонентлари

Автоматлаштирилган ахборот тизимлари 
Ҳар 
қандай 
автоматлаштирилган 
ахборот 
тизимлари (ААТ) ташқи муҳит қуршовида ишлайди, у ААТ 
учун киритиладиган ахборот манбаи ва чиқадиган 
ахборотнинг истеъмолчиси ҳисобланади. Ахборот оқими 
ААТ доирасида, тизимга киришдан бошлаб ундан 
чиқишгача ишлов беришнинг бир нечта босқичидан 
ўтади. Ахборотга ишлов беришнинг энг йирик босқичи 
ахборотни тўплаш, рўйхатга олиш ва дастлабки ишлов 
бериш, алоқа канали бўйича манбадан компьютерга 
узатиш, машина элтувчиларига ўтқазиш, ахборот 
фондларини яратиш ва сақлаб туриш, машина ичида 
ишлов бериш ва чиқариладиган шаклга келтириш, алоқа 
канали бўйича компьютердан фойдаланувчига узатиш, 
фойдаланувчи қабул қилиши учун яроқли шаклга 
ўзгартиришдан иборат. 

---

Ишлов беришнинг алоҳида босқичлари тегишли ААТ кичик 
тизимлари орқали амалга оширилади, улар ичида қуйидагиларни ажратиб 
кўрсатиш мумкин: киритиладиган ахборотни тўплаш ва дастлабки ишлов 
бериш, алоқа, 
Aхборотни компьютерга киритиш, ахборотни сақлаш ва ишлов 
бериш, ахборотни чиқариш ва уни акс эттириш (чиқариш кичик тизими). 
ААТ нинг намунавий тузилиши қуйидаги расмда келтирилган. 
Ахборотни тўплаш ва дастлабки ишлов бериш кичик тизими 
ахборотга дастлабки ишлов бериш бўйича бир қатор операцияларни 
бажаради. Бу кичик тизим доирасида объектлар тўғрисида объект учун 
табиий бўлган шаклда, яъни табиий тилнинг сўзлари ва символлари, 
умумқабул қилинган саноқ тизими рақамларида тақдим этилган дастлабки 
ахборотни (масалан, кадрларни ҳисобга олиш бўйича варақа мазмуни, 
беморни тиббий текшириш натижалари, мақолаларнинг матнлари, товар-
транспорт юкхатлари мазмуни ва ҳоказо) тўплаш амалга оширилади. 

---

ААТ нинг намунавий тузилиши

---

Ҳозирги вақтда турли мақсадларга мўлжалланган 
кўплаб ахборот- маълумот тизимлари муваффақиятли 
ишлаб турибди, улар фойдаланувчиларнинг ахборот 
сўровларини қондириш учун йўналтирилган. Бундай 
тизимларнинг ўзига хос хусусияти шундаки, уларда 
сўровга мувофиқ равишда топилган ахборотдан айнан 
шу тизимнинг доирасида бевосита фойдаланилмайди, 
балки 
фойдаланувчига 
берилади, 
у 
олинган 
ахборотдан ўзига зарур исталган мақсадларда 
фойдаланади. Бошқарув тизимлари турли- туман 
бошқарув ва техник-иқтисодий масалаларни ҳал 
қилиш учун мўлжалланган. Одатда бу тизимлар 
корхоналар, ташкилотлар, тармоқлар (масалан, 
касалхоналар, автоматлашган омборлар, моддий-
техника таъминоти ва заҳира қисмларини бошқариш, 
кадрларни ҳисобга олиш ва бухгалтерия ҳисобининг 
ахборот тизимлари) автоматлаштирилган бошқарув 
тизимлари (АБТ) доирасида ишлайди