Avtotransport vositalari servisi asoslari

Muammoli topshiriq: avtomobillar kuzovidagi nosozliklarni aniqlang va ularni bartaraf qilish
texnologiyasini tuzing. Avtoservis korxonasida kuzovlarni ta’mirlash texnologiyasini tahlil qiling va
qiyosiy texnologik xarita tuzing. Avtoservis korxanalarida kuzovlarni ta’mirlashda ishlatilayotgan
texnologik jihozlarni qiyosiy tahlil qiling va xulosa qiling.
Mavjud vaziyat
Ekspluatatsiya jarayonida detallarning tabiiy yeyilishi, to’satdan ishdan chiqishi va ish qobiliyatini
yo’qotishi natijasida tsilindr porshen guruhi (TSPG), KSHM, GTM, birikma va agregatlarda turli
nosozliklar paydo bo’ladi.
Muammoli topshiriq: guruhdagi talabalarni 3 yoki 4 ta kichik guruhlarga bo’lib, ularni 2ta kichik
guruhiga KSHM ni va 1 ta guruhiga GTM da uchraydigan nosozliklarni va ularni kelib chiqish
sabablarini o’rganish va tahlil qilish asosida ularni texnik holatini aniqlash lozim. Avtoservis
korxonalarida KSHM va GTMni diagnostikalash, TXK va ta’mirlashda ishlatiladigan jihozlarni tahlil
qilish va xizmat ko’rsatish sifatini oshirish uchun chora-tadbirlar taklif qilish. KSHM va GTM ga TXK va
ta’mirlash bo’yicha texnologik xarita tuzish. Issiqlik tirqishini sozlashni o’rganish.
Mavjud vaziyat
Sovitish tizimining nosozliklari: zichlikning buzilishi, ya’ni suv nasosi salьnigidan, patrubka va
boshqa joylaridan suyuqlikning sizib oqishi, tasma tarangligining bo’shashib qolishi, uning uzilishi,

---

termostat qopqog’ining berk qadalib yoki ochiqligicha qolishi, nasos parragining sinishi, radiator
qopqog’ining jips yopilmasligi, tarmoq devorlarida suyuqlik cho’kindi (quyqa)si hosil bo’lishi
hisoblanadi.
Muammoli topshiriq: guruh talabalarini 3 yoki 4 ta kichik guruhlarga bo’lib ular orasida sovutish
tizimini nosozliklari va ularni bartaraf qilish topshirig’i beriladi. Bu masala yuzasidan har bir talabani o’z
fikrini bildiradi. Ular quyidagi holatlarga fikr bildirishadi. Sovutish tizimidagi suvni kamayib ketish
sabablarini ko’rsating. Dvigatel nima uchun qizib ketadi?. Dvigatel me’yoriy haroratgacha isimaydi.
Sovutish tizimiga TXK va T ishlari texnologiyasini keltiring.
Mavjud vaziyat
Dvigatelning ishlash jarayonida, uning karteridagi moy sathi kamayib, sifati o’zgaradi. Bular
dvigatelning buzilishiga va boshqa nosozliklarni keltirib chiqarishga olib keladi. Dvigatelning ishlash
jarayonida moy sifati yomonlashishiga sabab, uni metall zarrachalari va yonilg’i qo’shilib ifloslanishi
hamda oksidlanishidir. SHuningdek, moyga uning moylash sifatini yaxshilovchi qo’shimchalarning
miqdorini moy tarkibida kamayib borishi, moy sifatini pasaytiradi.