Axborot texnologiyalari fanidan mustaqil ish topshiriqlarni bajarishda elektron resurslardan foydalanish

Keywords: independent work, e-textbook, e-learning resource, e-literature, C 
++ Builder 6, chat, forum, e-mail 
KIRISH 
Jahonda axborotlashgan jamiyatning rivojlanishi - ishlab chiqarishdagi IT-
mutaxassislarini uzluksiz tarzda mustaqil bilimlarni egallab, to‘ldirib borishiga, 
faoliyati davomida malaka va kasbiy mahoratini oshirishga intilishi bilan bog‘liqdir. 

---

Oriental Renaissance: Innovative, 
educational, natural and social sciences 
 
VOLUME 1 | ISSUE 10 
ISSN 2181-1784 
Scientific Journal Impact Factor SJIF 2021: 5.423 
1135 
w
www.oriens.uz
November 
2021
 
O‘z bilimini mustaqil oshirish bilan shug‘ullanadigan bunday mutaxassis ishlab 
chiqarish va ijtimoiy sohalardagi o‘zgarishlarni inobatga olish va moslashish asosida 
kasbiy hamda shaxsiy rivojlanish vazifalarini mustaqil ravishda belgilab olish 
qobiliyatiga ega bo‘ladi. Ta’limga oid materiallarni elektron ta’lim resurslari 
yordamida taqdim etish muhim ahamiyat kasb etib, u zamonaviy ilmiy-amaliy 
bilimlarning pedagogik texnologiyalarida yetarli darajada aks ettirishni tadqiq etish 
bilan belgilanadi, hamda bir qator umumkasbiy va kasbiy kompetentliklarni 
shakllantirishga imkon beradi. Virtual ta’lim texnologiyalaridan foydalanish esa 
insonning ta’lim olish jarayonida muhim ijtimoiy holatga aylanib bormoqda. Shu 
nuqtai nazardan mustaqil ta’lim olishda elektron resurslardan samarali foydalanish 
yo‘llarini izlash va ulardan maqsadli foydalanishga alohida e’tibor berilmoqda. 
Shunga muvofiq tarzda ishlab chiqarish sohasida axborotlarni taqdim etishning o‘ziga 
xos xususiyatlarini e’tiborga olgan holda elektron ta’lim resurslardan samarali 
foydalanish pedagogikada an’anaviy bo‘lgan, faoliyatga hamda mustaqil ta’lim olish 
prinsiplariga asoslangan.