«Ayollar ko’ylagi yoqa va yengiga ishlov berish. Old va ort bo’lak yelka, yon qirqimlarini biriktirib tikish» O’tgan mavzuda ayollar ko’ylagining old va ort bo’laklariga ishlov berilgan edi

1-rasm. Ayollar ko’ylagining chizmali ko’rinishi
1-eng o’miziga burma uchun bahyaqator yuritish va yeng qirqimlariga ishlov berish; 2-qaytarma manjetni o’ngini ag’darish va dazmollash; 3-manjetni chok haqini yeng tomonga bostirib tikish; 4-elka va yon qirqimlariga ishlov berish.


KERAKLI O’QUV-JIHOZ, ASBOB-USKUNA VA ASHYOLAR:

• 
  tikuv mashinalari 1022 kl, PFAFF ZINGER, 51 kl;
  
• 
  bichilgan va old, ort bo’laklari tikilgan ko’ylak bo’laklari;
  
• 
  dazmol;
  
• 
  ko’ylak bo’laklaridan tikma namunalar;
  

Bitta o’quvchi uchun:

• 
  texnologik xarita;
  
• 
  qo’l ishlari asboblarining 1 ta to’plami;
  
• 
  W40 W80-iplardan 1 ta g’altak;
  
• 
  turli raqamli ignalardan 1 to’plam, qaychi;
  
• 
  santimetr lenta 1 ta, bo’r, dukcha 1 ta;
  
• 
  yoqa, yeng, manjet uchun yordamchi andoza.
  

«AYOLLAR KO’YLAGI YOQA VA YENGIGA ISHLOV BERISH. OLD VA ORT BO’LAK YELKA, YON QIRQIMLARINI BIRIKTIRIB TIKISH» BO’YICHA TEXNOLOGIK XARITA

Texnologiya asosida faoliyat turlari	Tavsiya etiladigan moslama va uskunalar		Chizma	Standart asosida operatsiyani bajarish tartibi
I	II		III	IV
I. Ostki va ustki adip bilan yaxlit bichilgan yoqaga ishlov berish
1.1. Adip bilan yaxlit bichilgan yoqaga yelimli qotirma yopishtirish.		Dazmol		Adip bilan yaxlit bichilgan yoqaning teskari tomoniga qotirmani kleyli tomonini, chetki qirqimlariga 0.5-0.7 sm yetkazmay namlangan mato yordamida dazmollab yopishtiriladi.
1.2. Adip bilan yaxlit yoqa o’rta qirqimlarini biriktirib tikish va dazmollash.		UM, dazmol		Adip bilan yaxlit bichilgan yoqa o’ngni o’ngiga qo’yib ziylarini to’g’rilab, ziylardan 0.7 sm chok haqi bilan biriktirib tikiladi va orasi yorib dazmollanadi.
1.3. Ostki yoqa o’rta qirqimlarini biriktirib tikish va dazmollash.		UM		Ostki yoqa o’ngini o’ngiga qo’yib ziylari to’g’rilanib 0.7 sm chok haqi bilan biriktirib tikiladi va orasi yorib dazmollanadi.