Б. Б. Беркинов, Ш. Р. Джуманиязов, З. Т. Абдулхакимов «институционал иқтисодиёт. Ижтимоий соха иқтисодиёти»

ихтиёрий шаклдаги мулкнинг намоён бўлиши қатор омилларга боғлиқ. Жумладан:

меҳнат шароитлари ва натижаларини ўзлаштириб олиш усуллари;

меҳнат шароитлари ва натижаларини тасарруф этиш хусусиятлари;

меҳнат шароитларини такрор яратиш;

фаолият турлари бўйича алмашишнинг асосий усули;

натижалари қайта тақсимлаш усуллари;

Мулкчилик муносабати тарихан қандай шаклларда ривожланганлиги катта қизиқиш уйғотади жамоавий мулк жамоавий ҳуқуқ нормалари билан тартибга солинади.

Жамоавий мулкнинг асосий тавсифлари қуйидагилардан иборат:
а) бошқариш (тақсимлаш) ижтимоий;
б) эгалик қилиш хусусий;
в) жамоавий мулк объектидан воз кечиш тақиқланган;
г) ижтимоий мажбуриятлар тизими;
д) ишлаб чиқарувчининг ўз фаолияти натижаларига мулкчилиги.
Жамоавий мулк ривожланиши давлатчиликни юзага келтирган. Ушбу босқичида давлат мажбур этиш аппарати сифатида ҳали жамиятга қарши турмайди.

2. Олий мулк давлат мулкининг дастлабки шаклидир. Давлатни ташкил этиш кўп ҳолларда мулкни, масалан, ерни зўрлик билан тортиб ва босиб олишлар оқибати бўлган. Олий мулкнинг асосий тавсифлари қуйидагилардан иборат:

а) мулк ва ҳокимиятнинг бўлинмаслиги;

б) хизмат учун мукофот сифатида ресурсни ҳадя қилиш шаклида фаолият билан алмашиш;

в) меҳнат шароитларини ишлаб чиқарувчиларга бириктириш (хусусий эгалик);

г) бириктирилган ресурсларни тасарруф этиш учун давлат монополияси;

д) ишлаб чиқарувчининг ўз фаолияти натижаларига мулкчилиги.
Давлат бошлиғи бундай мулкнинг «олий мулкдорига» айланган ва уларни ўз фуқароларига тарқатган (ҳадя қилган). Ерни эгаликка олиш ва ундан фойдаланиш шарти давлатга хизмат қилишдан иборат бўлган. Олий ҳокимият ихтиёрида энг муҳим таъсир этиш воситаси – тортиб олиш (тасарруф этиш) ҳуқуқи қолдирилган. Бу бир вақтнинг ўзида иккита ўзаро боғлиқ вазифани ҳал этиш имконини берган: ишлаб чиқарувчининг эҳтиёжларини қондириш ва ишлаб чиқарувчини ўзи фойдаланадиган ресурсни такрор етиштиришга мажбур қилиш.
Аста-секин вақт ўтиши билан олий мулкчилик институти шароитида, давлат монополияси хўжалик фаолияти маҳсулотлари билан алмашув ривожланишига тўсқинлик қила бошлаган. Иқтисодий эҳтиёжларнинг таъсири остида мулкчилик институти ўзгара бошлади. Натижада турли ишлаб чиқариш усулларига хос бўлган иккита турли институт шаклланди: табақали ва кўп поғонали мулк.
3. Табақали мулк – олдинги даврда асосий меҳнат шароити бўлган табиий ресурсларга табақали монополиялар шаклланиши билан тавсифланади, дворянларнинг ўзларига «бириктирилган» мол-мулкни тасарруф этиш ҳуқуқи борган сайин кенгайиши билан изоҳланади.
Табақали мулкчиликнинг асосий хусусиятлари:
а) мулкдорлар синфининг пайдо бўлиши;
б) ишлаб чиқариш воситалари чекланган айланмасининг пайдо бўлиши;
в) ҳокимият ҳуқуқларига нисбатан мулкий ҳуқуқларнинг чекланган хусусияти;
г) ишлаб чиқарувчининг ўз фаолияти натижаларига мулкчилиги;
д) мулкдан олинадиган даромадни қайта тақсимлаш янги шаклининг пайдо бўлиши. Ривожланишнинг Европа моделига хос бўлган табақали мулкчилик институти давлат мулкчилигидан хусусий мулкчиликка ўтиш босқичи сифатида таърифланади.
4. Хусусий мулкчилик индивиднинг жамоавий хўжалик фаолиятидан ажралиб чиқишини ўзида намоён этади ва қуйидаги асосий хусусиятлар билан тавсифланади:

• 
  иқтисодий агентларнинг мустақиллиги;
  
• 
  меҳнт шароитлари ва натижаларининг эркин айланиши;
  
• 
  ҳокимият ҳуқуқларига қараганда мулкий ҳуқуқларнинг етарлилиги;
  
• 
  мулкдорнинг мулкий жавобгарлиги.
  

Хусусий мулк институтининг шаклланиши тобеликнинг янги шакли – иқтисодий тобеликнинг пайдо бўлишига олиб келди. Ходимнинг ишлаб чиқариш воситаларидан ажралиши билан бир қаторда ишлаб чиқарувчининг ўз меҳнатининг маҳсулига бўлган ҳуқуқидан маҳрум этилиши юз берди.
5. Корпоратив мулк. Кўплаб тадқиқотчилар корпоратив мулкни хусусий мулк билан тенглаштириб, корхонани ташкил этишнинг корпоратив шаклини мулкий мажмуани ишончли бошқариш шакли сифатида талқин этишни таклиф қилишади. Корпоратив мулкчиликнинг асосий хусусиятлари қуйидагилардан иборат: мулкнинг айрим шахсларга тақсимланганлиги; иқтисодий агентларнинг тобелик муносабатлари; иқтисодий агентлар жавобгарлигининг чекланганлиги; қайта тақсимлаш муносабатлари соҳасида мулкдан келадиган даромадлар ролининг кескин ортиши; мулкдор – корпорация ҳуқуқларини билвосита ҳимоялаш орқали меҳнат шароитларини такрорий яратиш.
6. Ижтимоий мулк. Ижтимоий мулк юридик ва жисмоний шахслар мулки билан бирга мавжуд бўлади. Жамият мулки, кўп ҳолатларда давлат томонидан бошқарилишига қарамай, унга тегишли эмас. Жамиятнинг муаммоси ресурсларни такрорий етиштириш ва мулкдан даромад – монопол рентани олиш устидан назорат ўрнатишдан иборат.
Ижтимоий мулкчиликнинг асосий хусусиятлари қуйидагиларни ўз ичига олади:
а) жамиятнинг ҳокимият аппарати сифатида давлатдан ажратилиши;
б) жамиятнинг табиий ресурсларга монополияси;
в) ижтимоий мулк объектларидан фойдаланишнинг концессион механизми;
г) ишлаб чиқарувчининг ўз фаолияти натижаларига мулкчилиги;
д) ижтимоий мулкдан келадиган даромадлардан жамият аъзоларининг ижтимоий аҳамиятли эҳтиёжларини қондириш учун фойдаланиш.
7. Кўп пағонали мулкчиликнинг вужудга келиши мулкдор ваколатларининг турли хўжалик юритувчи субъектлар ўртасида тақсимланиши жараёнини ўзида намоён этади. Кўп пағонали мулкчиликнинг асосий хусусиятлари:
а) мол-мулк ва ҳокимиятнинг ажратилмаганлиги;
б) мол-мулк учун тўлиқ ҳуқуқларига эга бўлган шахсларнинг мавжуд эмаслиги;
в) мулкдор ваколатларини амалга оширишда иштирок этишнинг хизмат хусусияти;
г) улар ўртасида мулкчилик ваколатлари тақсимланадиган субъектлар ўртасидаги тобелик муносабатлари;
д) меҳнат шароитларининг ишлаб чиқарувчиларга бириктирилиши.