Soraglar we ýumuşlar:
1. Berkarar döwletimiziň bagtyýarlyk döwründe Türkmenistanda adamyň
nähili orny bar?
2. “Ykdysady adam” barada düşünje beriň.
3. ”Ykdysady adamyň” haýsy nusgalary bar?
4. ”Adamy nusgalaşdyrmagyň” nähili ugurlaryny bilýärsiňiz?
5. Adam ösüşiniň indeksi diýip nämä aýdylýar?
6. Jemgyýetde adam ösüşiniň indeksiniň ähmiýeti barada gürrüň beriň.
II.
TÜRKMENISTAN MILLI YKDYSADYÝETIŇ
oBÝEKTI HÖKMÜNDE
§1. Türkmenistanyň geosyýasy we geoykdysady
häsiýetnamasy
Türkmenistan 1991-nji ýylyň oktýabr aýynda geçirilen ählihalk
pikir soraşmasynda halkyň erk-islegini bildirmeginiň hem-de parla
ment tarapyndan Garaşsyzlyk hakyndaky kanunuň kabul edilmegi ne
tijesinde dünýäniň syýasy kartasynda dörän täze garaşsyz döwletdir.
Garaşsyzlyk hakyndaky kanunalaýyklykda Türkmenistan de
mokratik hukuk döwleti diýlip yglan edildi. Ol öz çäginde häkimiýete
doly eýelik edýär, içeri we daşary syýasatlaryny özbaşdak durmuşa
geçirýär.
Türkmenistan dünýä bileleşiginiň doly hukukly agzasy bolup
durýar, öz daşary syýasatynda parahatçylykly ýaşaşmak, güýç ulan
makdan ýüz öwürmek, başga döwletleriň içerki işlerine gatyşmazlyk
ýörelgelerine eýerýär. Ol halkara hukugynyň umumy ykrar edilen ka
dalarynyň ileri tutulmagyna ygrarlydyr.
Bitarap Türkmenistanyň daşary syýasatdaky ugry dünýädäki we
sebitdäki ösüşiň barşynda ýüze çykýan çylşyrymly ýagdaýlara çuňňur
düşünilmegine, döwletiň geosyýasy ornuny göz öňünde tutup, esasy
ýagdaýlary jikme-jik seljermek we biri-birinden tapawutlandyrmak
esasynda geljekki ýagdaýlaryň öňünden kesgitlenmegine, ilkibaşdan
özara baglanyşykly bolan we subut edilmegini talap etmeýän häsiýetli
ýagdaýlaryň ikisine: geosyýasy we geoykdysady ýagdaýlara esaslanýar.
28
Do'stlaringiz bilan baham: |