- O’zbekiston tarixi fani oldida turgan asosiy vazifa quyidagilardan iboratdir: birinchidan, yoshlarga va bo’lajak mutaxassis kadrlarga chuqur milliy va umuminsoniy tarixiy, g’oyaviy-siyosiy, ilmiy-nazariy dunyoqarashni singdirish. Ikkinchidan, yoshlarda milliy tafakkur, g’urur va o’zlikni, milliy vijdon va umuminsoniy barkomollikni tarbiyalash. Uchinchidan, yoshlarda otashin vatanparvarlik va harbiy jasoratni, millat va Vatanga sadoqatlikni tarbiyalash. To’rtinchidan, yoshlarga milliy va tarixiy qadriyatlarni e’zozlash, asrab-avaylash ruhini singdirish, ularda yuksak ahloqiy fazilatlar (halollik, poklik, odillik, rostgo’ylik, mehnatsevarlik, kamtarinlik, imon va e’tiqodlik)ni tarbiyalash. Beshinchidan, yoshlarni Vatan va xalq, millat, ota-ona, farzand, tabiat va jamiyat oldidagi muqaddas burchlarni chuqur his etish va ularga sadoqatlik ruhida tarbiyalash.
- Hozir kunda mustaqil O‘zbekiston iqtisodiyoti qanday sharoitda shakllanganini kam odam eslaydi. Mustaqillikka erishish arafasida iqtisodiyotda ahvol yaxshi emas, turmush darajasi past edi. 1990 yilda O’zbekistonda aholi jon boshiga to’g’ri keladigan milliy daromad ikki barobar past bo’lib, sanoatda mehnat unumdorligi 40% ga, qishloq xo’jaligida esa o’rtacha ko’rsatkich 50% ga ortda qoldi. Aholi jon boshiga o’rtacha 75 rubldan kam oylik daromadga ega bo’lgan aholining ulushi deyarli 45%ni, butun mamlakatda esa 12%dan oshdi. SSSRning parchalanishi bilan iqtisodiy aloqalar buzila boshladi, ishlab chiqarish pasayib ketdi, hayot va ijtimoiy himoya darajasi kamaydi.
Do'stlaringiz bilan baham: |
