«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: Atabekke, hayran, shan’, tu’sirip, waqıya so’zlerinin’ imlası u’stinde islenedi.
Analiz: Anası Atabekke pul berip ne dedi? Ne ushın Atabek balalarg’a hiyle isletti? Atabektin’ o’tirikshi ekenligi teksttin’ qaysı bo’liminde sezildi? O’tirik so’ylegeni Atabekke payda boldı ma yamasa zıyan ba? Onı qaysı bo’limde bildin’iz?


Bayan jazıw ushın sorawlar ha’m tayanısh so’zler:

1. Ne ushın Atabek ko’shege shıqtı?	pul, nan
2. Atabek kimlerdi hayran qaldırmaqshı boldı?	maydansha, top
3. Ol qanday hiyle isletti?	qolındag’ı, puldı ayag’ı astına
4. Ne ushın Atabek albırap u’yge qayttı?	juwırıp, Salim, kisesine
5. Anası ne dedi?	o’tirik, awhalı

Besinshi sorawg’a juwap ko’shirme ga’p bolg’anlıg’ı ushın jazıw taxtasınan ko’shirip jazıladı.
Jazıwdan aldın albırap so’zinin’ ma’nisi tu’sindiriledi. Teksttegi ko’zi tu’sti, shan’ saldı so’z birikpesi ornında qanday birikpe yamasa so’z isletiliwi mu’mkin. Oylap ko’rin’.


Kishkene Arıslanbektin’ jaslıg’ı
Jaz. Balalar suwda shomılıp edi. Bir kishkene bala suwda sho’ge basladı. Onı Arıslanbek degen bala ko’rip qaldı. Ol da’rhal o’zin suwg’a attı.
Aradan biraz waqıt o’tti, biraq Arıslanbek suw betine shıqpadı. A’tiraptag’ılar ta’shwishlene basladı.
Bir waqıtta ju’zleri ılay bolg’an balanı ko’terip, Arıslanbek suw betinde payda boldı. Onı ko’rip ha’mme quwanıp ketti. Balalar Arıslanbektin’ suwdan shıg’ıwına ja’rdemlesti.
Bala biyhush edi. Og’an tez ja’rdem ko’rsetildi. Ol o’zine keldi. Balanın’ ata-anası Arıslanbekke minnetdarshılıq bildirdi.
Ha’mme kishkene Arıslanbektin’ ma’rtligine qayıl qaldı. (78 so’z, 60-65 so’z bolıwı da mu’mkin)