«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: so’z aqırında d dawıssızının’ aytılıwı ha’m jazılıwı esletiledi.
Analiz: G’arrı ullarına qanday na’siyat qıldı? Ertektegi waqıya qashan bolg’an eken?
Reje:
1. G’arrı ulların o’z aldına shaqırıp neni buyırdı?
2. Ne ushın ulı na’llerdi sındıra almadı?
3. G’arrı ullarına qanday na’siyat berdi?


Ayıw
Bir ku’ni ayıw pal ha’rrelerinin’ qutıları turg’an jerge bardı. Saray esigin buzıp, ishke kirdi. Pal salıng’an qaqpaqılı ıdısqa basın suqtı ha’m paldı jedi. Son’ ıdıstan basın shıg’ara almadı. Tog’ayda bes-altı ku’n tentirep ju’rdi.
Ayıw ju’rip-ju’rip shegarashılar aldına kelip qaldı. A’skerler ayıwdın’ basındag’ı ıdıstı bir a’mellep shıg’arıp aldı.
Tog’ay «xojeyini» birden eki shelek suwdı iship, to’rt buxanka nandı jep, tog’ayg’a ketti. (62 so’z)
Imla: pal ha’rreleri, buzıp, sug’ıp, bes-altı, aldına, a’mellep, «xojeyini» so’zleri u’stinde islenedi.
Analiz: Ayıw qay jerge bardı? Ol qalayınsha pal jedi? Ayıw ne ushın tog’ayda tentirep ju’rdi? Aqırı ne boldı?
Reje:
1. Bir ku’ni ayıw qay jerge bardı?
2. Ne ushın ol tog’ayda tentirep ju’rdi?
3. Ayıw ıdıstan qalay qutıldı?
4. Tog’ay «xojeyini» ne qıldı?


Jaqsılıq jerde qalmas
Ha’rre suw u’stinde ushıp ju’rip birden suwg’a tu’sip ketti. Qanatları ızg’ar boldı. Ha’rrenin’ ushıwg’a ku’shi jetpedi.
Usı waqıt ha’rreni kepter ko’rip qaldı. Og’an miyrimi keldi. Kepter sho’pti tislep, suwg’a tasladı. Ha’rre sho’pti keme qılıp, apattan qutıldı.
Bir bala duzaq qoyıp, kepterdi uslap almaqshı boldı. Ha’rre bunı ko’rip qaldı. Ol sol waqıtta kelip, balanın’ qulag’ın shaqtı. Bala awırıwg’a shıday almay duzaqtı taslap, qulag’ın usladı.
Kepter ushıp ketip, apattan qutıldı. (68 so’z. 60-65 so’z bolıwı ham mu’mkin)
Imla: jag’dayg’a, miyrimi, sho’pti, apat so’zlerinin’ imlası u’stinde islenedi.
Analiz: Teksttin’ to’rtinshi bo’limindegi «Ha’rre sho’pti keme qılıp apattan qutıldı» ga’pi qanday ma’nini bildiredi? Kepter ha’rrenin’ qutılıwı ushın ne qıldı? Kepter qalayınsha duzaqtan qutıldı? sıyaqlı sorawlarg’a juwap beriledi.
Reje:
1. Ha’rrenin’ ushıwg’a ku’shi jetpey qaldı.
2. Kepter ha’rreni ko’rip qaldı.
3. Bala kepterge duzaq qoydı.
4. Kepter apattan qutıldı.