QADAG’ALAW BAYAN USHIN TEKSTLER
Tatıwlıq
Qumırısqalar kishi bolsa da g’ayratlı ha’m tatıw.
Qumırısqalardın’ o’z patshaları, aqsaqalları a’skerleri bar. Aqsaqalları neni buyırsa, kishileri sonı isleydi.
Olar tatıw ha’m g’ayratlı bolg’anı ushın o’zlerinen u’lken bolg’an dushpanlardan qarıqpaydı.
Eger ha’rrege uqsas dushpan kelip, birewine tiyse, ha’mmesi dushpang’a jabısadı. Biri qolın, biri ayag’ın, biri qanatın qattı tisleydi. Dushpan qansha u’lken bolsa da, olar jen’ip shıg’adı. (56 so’z)
Reje:
1. Qumırısqalar.
2. Aqsaqallardın’ buyrıg’ın kishiler orınlaydı.
3. Qumırısqalar jen’ip shıg’adı.
Tayanısh so’zler: ju’da’, patsha, tatıw, bir, ha’mmesi, qattı.
Ko’mek
Ko’mekshiler bag’qa na’l egiwge bardı.
Shiyrin-sheker balalar qollarında alma, a’nar, almurt ha’m qa’reli na’llerin ko’terip keldi.
Direktor apa na’l egiletug’ın jerdi belgilep qoyg’an edi.
Jumıs baslandı. Ko’mekshiler qollarına bel alıp jerdi qaza basladı. Umidjan na’llerdi uslap turdı. Rashid suw quydı. Batır topıraq penen na’l tamırların ko’mdi.
Ko’mek tatıwlıq penen o’tti. Direktor apa ko’mekshilerden minnetdar boldı. (56 so’z)
Reje:
1. Ko’mekshiler.
2. Shiyrin-sheker balalar.
3. Direktor apa.
4. Jumıs baslandı.
5. Apa minnetdar.
Tayanısh so’zler: ko’mekshiler, shiyrin-sheker, bel, tatıwlıq.
Ag’alı-iniler
A’yyem zamanda ag’a-ini bolg’an eken. Ag’ası bala-shag’alı eken. Inisi jalg’ız eken.
Ag’a-ini biyday egip, ko’p payda alıptı. Paydanı ten’ bo’lipti.
Kesh bolıptı. Ha’mme uyqıg’a ketipti. Inisi ag’asının’ ko’pshilik ekenin oylaptı. O’zinin’ u’lesinen birazın ag’asınikine qosıp qoyıptı.
Ag’ası da inisin oylaptı. O’zinin’ u’lesinen birazın inisinikine qosıp qoyıptı. Kewli tınshıp uyqıg’a ketipti.
Ag’alı-iniler bir-birlerine ju’da’ mehriban eken. (60 so’z)
Reje:
1. Ag’a-ini bolg’an eken.
2. Biyday egipti.
3. Kesh bolıptı.
4. Inisinin’ uyqısı kelmepti.
5. Mehribanlar.
Do'stlaringiz bilan baham: |
