Reje:
1. Zamir ku’shik tawıp aldı.
2. Zamir ha’m Ziyrek.
3. Qasım ag’a awg’a bardı.
4. Qasım ag’ag’a ja’rdem.
Tayanısh so’zler: qan’sılag’an, uzaqqa.
Tolqın qutqarıldı
Ma’ha’lleden salma o’ter edi. Salma u’stinde ko’pir bar. Ko’pirden adam, mashina, arbalar o’tip turadı.
Bir ku’ni Tolqın tobı menen salmag’a tu’sip ketti. Ol bir sho’gip, bir suwdın’ betine shıg’ıp ag’ıp barar edi. Bunı bir g’arrı ko’rip qaldı ha’m adamlardı ja’rdemge shaqırdı.
Usı waqıtta militsioner ag’ay payda boldı. Ol tezde kiyimleri menen o’zin suwg’a tasladı. Ol Tolqındı suwdan zorg’a alıp shıqtı.
Militsioner ag’aydan ha’mme minnetdar boldı. (65 so’z)
Imla: qatar kelgen birdey dawıslı so’zlerinin’ jazılıwı esletiledi, salma so’zi u’stinde islenedi.
Analiz: birinshi abzatsında ne delingen? Ne ushın g’arrı adamlardı ja’rdemge shaqırdı? Usı waqıt kim payda boldı ha’m ol ne qıldı? Kimnen adamlar minnetdar boldı?
Reje:
1. Salma u’stindegi ko’pir.
2. Tolqın salmag’a tu’sip ketti.
3. Militsioner ag’ay payda boldı.
4. Ha’mme minnetdar.
Tayanısh so’zler: salma, militsioner, ha’mme.
TAYAR REJE TIYKARINDA TEKSTTEN TAN’LAP BAYAN JAZIW USHIN TEKSTLER
Tatıwlıq
Du’nyada bir kepter jasar eken.
Bir ku’ni jer qıymıldap kepterdin’ uyası buzılıptı. Tınıshlıg’ın jog’altqan kepter qala u’stinde ku’n boyı ushıp ju’ripti.
Bir waqıt qarlıg’ash kepterdi ko’rip qalıptı. Hal-awhal soraptı. Kepter u’yi buzılıp ko’shede qalg’anın aytıptı.
Qarlıg’ashtın’ u’yi zıyan ko’rmegen eken. Ol dostın u’yine mira’t etipti. Kepter qarlıg’ashdikinde tınısh jasay baslaptı.
Aradan ku’nler o’tipti. Qarlıg’ash u’yine jaralanıp kelipti. Onın’ ko’kiregi qan bolg’an edi.
Kepter da’rhal bulaqtan suw keltirip beripti. Son’ dostına jumsaq orın tayarlaptı. O’zinin’ shep qanatın dostına to’sep beripti. On’ qanatına o’zi jatıptı. Qarlıg’ash tınısh uyıqlap dem alıptı. (88 so’z, 60-70 so’zden ibarat bolıwı da mu’mkin)
Do'stlaringiz bilan baham: |
