«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Tayanısh so’zler: tanap, birazın, tawg’a.
Tu’ye qus ha’m Arıslan
U’shinshi klassta bizdi oqıtqan ustazımız Iyshanbek mug’allim ha’r qıylı qızıq-qızıq gu’rrin’ler aytıp, sabaq o’ter edi. Bir ku’ni bizge qızıqlı gu’rrin’ aytıp berdi.
Tu’ye qus penen Arıslan dos tutınıptı. Qıynalıp qalg’anda bir-birine ja’rdem beriwge wa’de beripti.
Ku’nler o’tipti. Uzaqdan Tu’ye qustın’ Arıslandı ja’rdemge shaqırg’an dawısı esitilipti. Arıslan dostı ta’repke juwırıptı. Jetip barsa, Tu’ye qus hesh na’rse bolmag’anday ju’rgen eken. Arıslan Tu’ye qustan ne ushın shaqırg’anın soraptı. Tu’ye qus Arıslannın’ wa’desi esinde me, joq pa, sınamaqshı eken. Arıslan artına qaytıp ketipti.
Aradan bir neshe ku’n o’tipti. Tu’ye qus Arıslandı ja’ne shaqırıptı. Arıslan juwırıp kelse, o’tirik eken.
Bir ku’ni Tu’ye qustı bo’riler qorshap alıptı. Ol jan aybat penen Arıslandı shaqırıptı. Arıslan esitipti, biraq barmaptı. Tu’ye qus sınamaqshı bolsa kerek, dep oylaptı. Tu’ye qustı bolsa bo’riler jep ketipti.
Juwmaq sol, o’tirik aytıw jaman eken. Insan ba’rha rasgo’y bolıwı lazım. (137 so’z, 75-80 so’z a’tirapında bolıwı da mu’mkin)

Bunda birinshi ha’m to’rtinshi bo’lim tu’sip qaladı.

Imla: bir-birine, jan aybat so’zleri imlası u’stinde islenedi.
Reje:
1. Doslar wa’delesti.
2. Ku’nler o’tipti.
3. Tu’ye qustı bo’riler qorshap alıptı.
4. Juwmaq.
(Reje shama menen beriledi. Oqıtıwshı oqıwshılar imkaniyatınan kelip shıg’ıp, onı o’zgertiwi mu’mkin)
Tayanısh so’zler: wa’de beripti, jan aybat, jep ketipti, juwmaq, o’tirik, rasgo’y.


OQIWSHILAR TA’REPINEN BIRGELIKTE DU’ZILGEN REJE TIYKARINDA BAYAN JAZIW USHIN TEKSTLER


Aqıl
Bir g’arrının’ to’rt ulı bar eken. Bir ku’ni g’arrı ulların shaqırıp, o’zinin’ qartayıp qalg’anlıg’ın aytıptı. Ullarınan qaysı biri aqıllı, da’wletli bolsa, sol miyrasxor bolıwın bildiripti. U’lken ul altın ju’zigin, ekinshi ul zer shapanın ko’rsetipti. U’shinshi ul qımbat bahalı taslar qadalg’an qamarın ko’rsetipti. Genje ulda baylıq joq eken. Tek miynetkesh qolı, batır ju’regi, aqıllı bası bar ekenligin aytıptı. Genje uldın’ juwabı g’arrıg’a unaptı. Da’wletin og’an miyras etip qaldırıptı. U’lken ullarına bolsa onın’ so’zinen shıqpawın tayınlaptı. (74 so’z)