«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Imla: aqıllı, da’wletli, shan’araq, ju’zigi, zer so’zlerinin’ jazılıwı esletiledi.
Analiz: G’arrı ulların jıynap ne dedi? U’lken ul qanday juwap qıldı? Ekinshi ul ne ko’rsetti? U’shinshi ulı ne? Kimnin’ juwabı g’arrıg’a unadı?
Reje:
1. G’arrı ulların shaqırdı.
2. Altın ju’zik.
3. Zer shapan.
4. Genje uldın’ juwabı.
5. Miyrasxor.
Tayanısh so’zler: miyrasxor, altın ju’zigi, zer, qımbat bahalı tas, aqıllı bası.


Klasslaslar
4^A-klass oqıwshısı Azamat bazı pa’nlerdi jaqsı o’zlestire almaydi. Sonın’ ushın Sabır Azamatqa qıynalg’an pa’nlerinen ja’rdem bermekshi boldı. Azamat mektepke baralmadı. Klasslasları xabar alsa, awırıp qalıptı. Azamattın’ awırıp qalıwı dosların ta’shwishke saldı. Klasslaslar na’wbet penen Azamattın’ u’yine barıp, o’tilgen temalardı aytıp turdı. Azamat ta’wir boldı. Mektepke bardı. Ana tili oqıtıwshısı Azamattan u’y tapsırmasın soradı. Onın’ juwabı dosların quwandırdı. Sebebi Azamattın’ ana tili pa’ninen birinshi ma’rte joqarı baha alıwı edi. Azamattın’ jalqaw ekeni bilinip qaldı. Ol klasslaslarınan minnetdar boldı. (78 so’z)
Imla: Atlıqlardın’ jazılıwı esletiledi.
Analiz: Ne maqsette Sabır Azamattı u’yine mira’t etti? Balalar neden ta’shwishlendi? Klasslaslar qanday ja’rdem berdi? Ne ushın Azamat klasslaslarınan minnetdar boldı? Onın’ ayıbı ne eken? Gu’rrin’nen neni bildin’iz?
Reje:
1. Sabırdın’ maqseti.
2. Balalar ta’shwishlendi.
3. Klasslaslardın’ ja’rdemi.
4. Azamat ta’wir boldı.
5. Azamat minnetdar boldı. Tayanısh so’zler: Azamat, bazı, xabar, awırıp.
OQIWSHILAR KO’RIP TURG’AN TEKST REJESIN DU’ZIP BAYAN JAZIW USHIN TEKSTLER


Usta Baltabay
A’yyem zamanlarda Baltabay degen usta o’tken eken. Usta ag’ashlardan shıraylı buyımlar isler eken.
Baltabaydın’ u’sh ulı erjetipti. Bir ku’ni ol ullarına buyım islewge jaramaytug’ın ag’ash keltiriwin buyırıptı.
U’lken ul bug’ının’ tumsıg’ına uqsas quwrag’an shaqa keltiripti. Baltabay onnan pazna islepti.
Ortanshı ulı juwanlıg’ı bilektey keletug’ın ag’ash keltiripti. Baltabay onnan atına moyıntırıq islepti.
Genje ul terekzardı aylanıp, kereksiz ag’ash taba almaptı. U’yge qurı qaytıptı. Sonda Baltabay genje ulınan haqıyqıy usta shıg’ıwın aytıptı. (70 so’z, 66 so’z bolıwı da mu’mkin)