«Bayanlar toplamı» mbs ha’m u’zliksiz oqıw bag’darlamasındag’ı oqıwshılardın’ baylanıslı so’ylewin o’siriwge tiyisli talaplardan kelip shıqqan halda du’zildi. Toplamdag’ı tekstler tematikalıq ta’repten ra’n’be-ra’n’

Tayanısh so’zler: tuflisinin’, ko’pshik, aralas, ta’rtipsiz, shette.


Ha’wes
Atanın’ bir su’yikli aqlıg’ı bar. Atı Na’dirjan. Ol shan’araqtın’ su’wretshisi. Ha’mme Na’dirjannın’ a’detine qayıl qaladı.
Na’dirjan qag’az ha’m albomdı ayap isletedi. Qag’azdı da nang’a uqsas a’ziyz dep biledi. Ol birinshi klassta paydalang’an da’pterlerin elege shekem saqlaydı.
A’jag’ası Bahadırjan ekonomist. Ol obal ne ekenin ju’da’ jaqsı biledi. Ol u’y jumıslarında anasına ja’rdemlesedi. Hesh na’rseni ısırap qılmaydı. Kartoshka menen geshirdi juqa qırshıydı, obal qılmaydı. Na’dirjan a’jag’asının’ epshilligine ha’wes qıladı.
Obaldı bilgenler kem bolmaydı. Siz de kem bolman’. (75 so’z)
Reje:
1. Atanın’ aqlıg’ı.
2. Na’dirjannın’ a’deti.
3. Bahadırjan ekonomist.
4. Kem bolman’.
Tayanısh so’zler: su’wretshi, albom, elege shekem, geshir, qırshıydı, epshilligine, ha’wes.
EKINSHI YARIM JILDA O’Z BETINSHE DU’ZILGEN REJE TIYKARINDA QADAG’ALAW BAYAN JAZIW USHIN TEKSTLER


Jeke pazıylet
Shah Babur Agra qalasında edi. Og’an miyrasxorı Humoyunnın’ qattı awırıp qalg’anı haqqında xabar keldi. Biytaptı tezde Agrag’a keltirdi.
Ta’wiplerdin’ urınıwları biytapqa ta’sir etpedi. Bunı ko’rgen Babur Alladan Humoyunnın’ ornına o’zinin’ janın alıwdı shın ju’rekten tiledi.
Babur Humoyun jatqan jerdi u’sh ma’rte aylandı. Babur o’mirin Humoyung’a bag’ıshlag’anın u’sh ma’rte ta’kirarladı.
Gu’lbadan Begimnin’ jazıwınsha, sol ku’ni-aq, Humoyunnın’ awhalı jaqsılana baslaptı. Baburdın’ bolsa mazası qashıptı. Usı jatqanınsha eki ay ornınan turmaptı.
Babur 1530-jıl 26-dekabrda 48 jasında du’nyadan o’tti. (83 so’z)


Tayanısh so’zler: Humoyun, Alla.
Gu’rrin’ ekinshi ma’rte oqılg’annan son’, o’z betinshe reje du’ziledi ha’m bayan jazıladı.


G’arbız
Marat mektepke bir u’lken g’arbız ko’terip keldi. Ol klasslasların mektep bag’ına shaqırıp, g’arbızdı tildi. Olar qıp-qızıl mazalı g’arbızdı maza qılıp jedi.
Marat g’arbızdı Jantaqto’bege ekken edi. Balalar isenbedi.
Sabaq tamamlandı. Da’wran, Karim, Bahadır, Marat Jantaqto’bege shıqtı. Balalar suwsız to’belikte o’sken g’arbız pa’leklerin ha’m domalap jatqan g’arbızlardı ko’rdi.
Marat jantaq tamırlarına g’arbız tukımın biriktirgen edi. G’arbız pa’lekleri jantaqtın’ tamırlarınan azıqlanadı. Jantaqtın’ tamırı ju’da’ uzın bolıp, jerdin’ ızg’ar jerlerinen suw ishedi. Marat bunı a’jag’asınan u’yrengen edi.
Balalar Marattın’ isine qayıl qaldı.

Gu’rrin’ ekinshi ma’rte oqılg’annan son’ oqıwshılar o’z betinshe reje du’zip bayan jazadı.