Bayramingiz muborak, aziz ustozlar

1-OKTYABR “O‘QITUVCHI VA MURABBIYLAR” KUNIGA BAG‘ISHLANGAN “BAYRAMINGIZ MUBORAK, AZIZ USTOZLAR” MAVZUSIDAGI SSENARIY
1-boshlovchi
Qadaming gul erur, nigohing bo‘ston.
Ta’rifing shoirlar tilida doston.
Bundayin sharafga yetishmoq uchun,
Ustoz bo‘lib tug‘ilmoq emasdir oson.

2-boshlovchi
Bugun jahongirlar maktabga borar
Mehr chirog‘idir qaroqlaringiz
Olamda eng ulug‘ kamtarin zotlar
Hech qachon o‘chmasin chiroqlaringiz


1-boshlovchi
Assalomu-alaykum shu muhtasham dargohga tashrif buyurgan qalbi ummon, mehri daryo ustoz va murabbiylar!


2-boshlovchi
Assalomu-alaykum davramiz ahli, aziz mehmonlar va davra qatnashchilari. Bugun biz o‘z qalb qo‘rini, ko‘z nurini, mehr – muhabbatini barkamol avlodlarni tarbiyalashdek ma’suliyatli vazifani zimmalariga olib, bel bog‘lagan ustozlarimizni, murabbiylarimizni qutlash maqsadida to‘planganmiz.


1-boshlovchi
Davrani ochib berish uchun ilk tabrik so‘zini ______________________________________________________________________________________________________ marhamat.


2-boshlovchi
Muallim qasidani sizga atadim,
Sizni ta’riflamoq bo‘ldi maqsadim.
Bir umr sodiqman shogirdlik ahdim
Insonlar insoni sizsiz muallim,
Zamonam vijdoni sizsiz muallim.


_________________
1-boshlovchi
O‘qituvchilik azal-azaldan e’tiborli kasb hisoblanadi. Dunyoning hech qaysi mamlakatida o‘qituvchi murabbiylarga bu qadar e’tibor qaratilmagan. Respublikamiz Prezidentining farmoni bilan 1997-yildan boshlab 1-oktabr – o‘qituvchi va murabbiylar kuni umumxalq bayrami sifatida nishonlanib kelinmoqda.


2-boshlovchi
Jamiyatning buguni va ertasi uning madaniy-ma’rifiy salohiyati ta’lim tizimining qay darajada rivojlanganligi bilan belgilanadi. Ta’lim tizimidagi islohotlarning muvaffaqiyati ko‘p jihatdan o‘qituvchi va murabbiylarning fidokorona mehnatlariga bog‘liq ekanligi barchamizga ayon.

1-boshlovchi
To‘g‘ri aytasiz Nodiraxon. O‘qituvchilikning ko‘p qirrali, sermazmun, murakkab faoliyatida yosh avlodni barkamol shaxs sifatida tarbiyalash, ularning ilm-fan sirlaridan boxabar etish kabi muhim vazifalar yotadi.

2-boshlovchi
Hurmatli mehmonlar, aziz murabbiylar bugungi bayram dasturi sizlar uchun. Marhamat, tomosha qiling. Qo‘shiq. Ijro etadi ____________________________

1-boshlovchi

Keling endi tarix zarvaraqlariga bir nazar tashlaylik. Bizning xalqimiz qadim-qadimdan dunyoga ko‘plab allomalar, aziz avliyolar, shoir va mutafakkirlarni yetkazib bergan. Ularning ilm-u fikrati butun dunyoni lol qoldirgan.

2-boshlovchi

Nega she’r yozmayin yurakdan yonib,
Nega tazim qilmay sizga bu mahal.
Nega xizmatingiz qilmay quvonib,
Ey aziz muallim, ustozi avval
- Allomalar chiqishi (1.Farobiy 2. Avloniy 3. Behbudiy 4. Navoiy 5. Beruniy )

- (parda ortida)
Mustaqil vatanim ozod diyorim
Qalbimiz baxshida zamonamizga
Ildamchim o‘zingsan kuylar qalb torim
Jo‘r bo‘ling azizlar taronamizga