Ben shalon bernanke

Aqsh Federal zaxirasi Raisi sifatida

2006-yil 1-fevralda Bernanke oʻn toʻrt yillik Federal rezerv boshqaruv kengashi aʼzosi va toʻrt yillik raislik muddatini boshladi[40][41]. Raislik bilan birga Moliyaviy barqarorlikni nazorat qilish kengashiga aʼzo boʻldi. Muammoli aktivlarga yordam berish dasturini nazorat qilishga mas’ul boʻldi. Shuningdek, tizimning pul-kredit siyosatini ishlab chiqish boʻyicha asosiy organi boʻlgan Federal ochiq bozor qoʻmitasining raisi boʻlib ishlagan.

• Uning Federal zaxira tizimi raisi sifatidagi birinchi oylari ommaviy axborot vositalari bilan muloqot qilishda qiyinchiliklar bilan kechdi. Greenspan aytganidan koʻra shaffofroq siyosat va aniqroq bayonotlar tarafdori boʻlib, inflyatsiya haqidagi aniqroq rejalarni koʻrsatish haqidagi dastlabki gʻoyasidan qaytishga majbur boʻldi. Bunday bayonotlar fond bozoriga taʼsir qilar edi[42]. Maria Bartiromo CNBC telekanalida Oq uy muxbirlari assotsiatsiyasining kechki ovqat paytidagi shaxsiy suhbatini oshkor qildi[43]. Uning xabar berishicha, Bernanke investorlar uning izohlarini notoʻgʻri talqin qilishganini aytdi. Ommaviy bayonotlari uchun keskin tanqidga uchradi.

2007- 2008 yillardagi moliyaviy inqirozi

Buyuk turgʻunlik chuqurlashar ekan, Bernanke baʼzi noodatiy choralarni nazorat qildi. Uning rahbarligi ostida Federal zaxira oʻz mablagʻlari foiz stavkasini bir yildan kamroq vaqt ichida 5,25 % dan 0,0 % gacha pasaytirdi. Bu likvidlik inqirozini bartaraf etish uchun yetarli emas deyilganda, Federal zaxira miqdoriy yumshatishni boshladi. 2008-yil noyabridan 2010-yil iyunigacha 1,3 trillion dollarlik zaxira yaratildi.

Ikkinchi muddatga saylanishi

2009-yil 25-avgustda Prezident Obama Bernankeni ikkinchi muddatga Federal zaxira raisi lavozimiga koʻrsatishini eʼlon qildi[44]. Obama Bernankening kelib chiqishi, temperamenti, jasorati va ijodkorligi 2008-yilda navbatdagi Buyuk Depressiyaning oldini olishga yordam berganini aytdi[45]. 2009-yil 3-dekabrda Senat Bank qoʻmitasining uning nomzodi boʻyicha eshituvlari boshlanganda, har ikki partiyadan bir nechta senatorlar ikkinchi muddatni qoʻllab-quvvatlamasliklarini maʼlum qilishdi[46][47][48][49][50][51].

Biroq, Bernanke 2010-yil 28-yanvarda Senat toʻliq aʼzolarining 70-30 ovozi bilan ikkinchi muddatga rais lavozimiga tasdiqlandi[52][53]. Senat munozarani tugatish uchun birinchi boʻlib 77-23 foiz ovoz berdi, Bernanke 60 dan ortiq maʼqullash ovozini qoʻlga kiritdi[54]. Tasdiqlash uchun ikkinchi ovoz berishda 11 nafar demokrat, 18 nafar respublikachi, bir nafar mustaqil va 30 nafar muxolif ovoz berdi[54].

Bernankening oʻrniga Federal zahira raisi lavozimini egallagan birinchi ayol Janet Yellen edi. Yellen nomzodi 2013-yil 9-oktabrda Prezident Obama tomonidan ilgari surilgan va 2014-yil 6-yanvarda AQSh Senati tomonidan tasdiqlangan