Бир чўмичли экскаваторлар ишчи механизмлари турлари ва уларнинг ишлаш принципи Режа

7.5-расм. ЭКГ-5А экскаваторининг тишли-рейкали куч бериш механизми:
а — оралиқ вал; б —куч берувчи вал ва эгарли узел

Россиянинг Ижорский заводида ишлаб чиқарилган тўғри лопатали ЭКГ-8И, ЭКГ-12,5 ва шунга ўхшаш экскаваторларида канатли куч бериш механизми ишлатилади. Рукоятнинг чиқиши ва орқага қайтиши платформада жойлашган лебедка ҳамда стрела ва рукоятда жойлашган бош блок ва ярим блоклар ёрдамида бажарилади.

Канатли куч бериш механизмида лебедка платформанинг олд қисмида жойлашади. Куч берувчи 1 ва қайтарувчи канат 2 лар 3 ва 4 барабанлардан чиқиб стрелада жойлашган 5 ва 6 блокларни айланиб ўтади ва рукоятда жойлашган олдинги ва орқа ярим блокларга боради. 3 ва 4 барабанлар айланганда рукоятнинг ўқ йўналишидаги силжиши содир бўлади. Канатли куч бериш механизмининг тузилиши жуда содда бўлиб юқори сифатли канатлар ишлатилса ишончли ишлайди, техник хизмат кўрсатиш ва таъмирлаш қийин эмас. Механизмни тўхташ юкланишларидан ва зарбларидан ҳимоя қилиш учун двигател 10 ва редуктор 11 оралиғига чегаравий момент муфтаси 9 ўрнатилади.
Ечилувчи барабан 3 канатларнинг таранглигини мослаштирувчи қурилма 12 га эга. ЭКГ-10 экскаваторида лебедка иккита электродвигател ёрдамида ишга туширилади. Редуктор 11 горизонталл ўрнатилган бўлиб уч поғонали цилиндрик тишли узатмаларга эга. Тишли узатмалар ва подшипниклар редуктор корпусига жойлаштирилган мой ваннасидан сочиш билан мойланади. Бунинг учун редуктор етакловчи ўқига иккита сочувчи мослама ўрнатилган.

7.6-расм. Рукоятни ҳаракатлантирувчи куч берувчи механизмнинг канатли – полиспас тизими схемаси (ЭКГ-10): а — канатларнинг ўралиш схемаси; б—лебедканинг кинематик схемаси.
Подшипниклар ва бирикмаларнинг совуқ ҳароратларда яхши ишлашлари учун редукторда мойни қиздириш кўзда тутилган. Куч берувчи лебедкани ишлаш вақтида тормозлаш противоток билан, ҳалокатли тормозлашда электромагнит дискли тизим ишлатилади. Бу тормозлаш тури стоянка тормози вазифасини ҳам бажаради. Рукоят силжишини чегаралаш учун охирги (конечнқй) ўчиргич ишлатилади.
Ушбу куч берувчи лебедка кинематик схемаси ва канатларнинг ўралиш схемаси Ижорский заводида ишлаб чиқариладиган экскаваторларнинг барча моделларида қўлланилади.
Эгарли узел (7.7-расм) стреладаги ишқаланиш подшипникларига ўрнатилган куч бериш вали 1 га жойлаштирилган. Эгарли подшипникнинг корпуси 6 пўлатдан қуйилган. Унинг ўқига ролик 8 лар ўрнатилган. Бу роликлар рукоятдан тушадиган ён кучланишларни қабул қилишга хизмат қилади. Рукоят иш вақтида куч бериш ўқида жойлашган эгарли ролик 9 устида ҳаракатланади. Куч берувчи ва қайтарувчи канатлар учун мўлжалланган икки йўлакли блок 4 лар куч берувчи валга ишқаланиш подшипниклари орқали ўтирган.стреланинг юқориги қисми пастки қисми билан валик 2 лар ёрдамида боғланган. Куч берувчи ўқ кўналанг йўналишда хомут 10 билан тўхталиган.

7.7-расм. ЭКГ – 10 экскаваторининг эгарли узели.

Aim.uz