Bitiruv malakaviy ishi bitiruvchi: Satbaehamda G. Ilmiy rahbar: dots. Allamuratov Sh. Nukus 2023 mundarija

Time Based Blind SQL inekcıya
Waqıtqa tiykarlanǵan SQL inekciya - bul juwap beriwden aldın maǵlıwmatlar bazasın belgilengen waqıt (sekundlarda ) kútiwge májbúr etedi. Juwap beriw waqıtı boyınsha soraw nátiyjesi haqıyqıy yamasa jalǵan ekenligin anıqlaydı. Nátiyjede, HTTP juwabı keshiktiriledi yamasa sol waqıt ózinde qaytarıladı. Bul basqıshta maǵlıwmatlar bazasınan hesh qanday maǵlıwmat qaytarılmasada, isletilingen paydalı júklew haqıyqıy yamasa jalǵanlıǵın qaytarıw haqqında juwmaq shıǵarıwǵa múmkinshilik beredi. Bul hújim ádette aste isleydi(ásirese, úlken maǵlıwmatlar bazaları ushın), sebebi buzǵınshı maǵlıwmatlar bazası belgilerin belgiler boyınsha sanap shıǵıwı kerek boladı.
Eger buzǵınshı server juwaplarında qandayda bir parqtı sezgen bolsa, bul hújimge jol ashıladı. Mısalı, SLEEP yamasa WAIT FOR DALAY funkciyalarınan paydalanıw múmkin:


SELECT * FROM products WHERE id=1; WAIT FOR DELAY '00:00:15'

Bul usıldıń ózine say kemshilikleride bar. Eger biz júdá tómen keshigiwdi tanlasaq, ping sıyaqlı úshinshi tárep faktorlarınıń kúshli tásiri boladı. Eger ol júda úlken bolsa, hújim waqtı kóp waqıt dawam etedi hám ol toqtatılıwı múmkin.

Out-of-band SQL inekcıya
Out-of-band SQL inekciya júdá keń tarqalmaǵan, sebebi bul web programma tárepinen isletiletuǵın maǵlıwmatlar bazası serverinde qosılǵan servislerge baylanıslı. Bul SQL inekciya buzǵınshı hújimdi baslaw hám nátiyjelerdi toplaw ushın bir kanaldan paydalana almaǵanda júz beredi.
Tarmaqtan sırtta bolǵan usıllar buzǵınshıǵa waqıtqa tiykarlanǵan logikalıq usıllarǵa alternativa usınıs etedi, ásirese serverdiń juwapları júdá turaqlı bolmasa.
SQL inekciya tarmaqtan tısqarı usıllar maǵlıwmatlar bazası serveriniń buzǵınshıǵa maǵlıwmatlardı jetkizip beriw ushın DNS yamasa HTTP sorawların jiberiw qábiletine tayanadi. Bul Microsoft SQL Server xp_dirtree buyrıǵı menen baylanıslı bolıp, ol buzǵınshı tárepinen basqarılatuǵın serverge qarsı DNS sorawların orınlaw ushın isletiliwi múmkin, hám SQL hám PL/SQL-den buzǵınshı tárepinen basqarılatuǵın serverge HTTP sorawların jiberiw ushın isletiliwi múmkin bolǵan Oracle maǵlıwmatlar bazası UTL_HTTP kompleksin payda etedi.