Бўлажак физика ўҚитувчисининг тажриба бажариш компетентлигини ривожлантириш тамойиллари алиқулов Самар Саттор ўғли

1. Бошланғич таништирув (эслаб қолиш, тушуниш) босқич.
1.1. Мактаб физика курсининг бирор бир мавзуси бўйича ўқув физик тажриба тизимини шакиллантириш (топшириқ жуфтликда бажарилиши, мавзу талаба томонидан танланиши мумкин). Натижаларни 1- жадвалга киритинг.
1.2. Танланган тажрибани хақиқий ускуналарда синаб кўриш, зарур бўлганда унинг таснифига ўзгартиришлар киритиш; фронтал лаборатория иши (ёки физик практикум иши), тажриба масаласи ва уй тажриба ишини бжаргандан сўнг “ўқувчи” нуқтаи назарида уларни бажариш ҳақида ҳисобот тузиш.
Мақсадлар:
– ўқув физик тажриба тизими ҳақидаги билимларни мустахкамлаш ва аниқлаштириш; ўқув физик тажрибани ўтказишга оид ахборот манбалари билан танишиш; тажрибанинг аниқ тизимини амалга ошириш учун зарур ускуналар билан танишиш; ўқув физик тажриба ўтказиш методикаси ва йўли билан дастлабки танишиш;
– ўқув физик тажриба тавсифи бўйича унинг турини аниқлаш, аниқ мавзуни ўрганишда ўқув тажрибалар ўртасидаги ўзаро боғланишни аниқлаш, тажриба қурилмаларини йиғишда аниқасбоб-ускуналар билан ишлаш кўникмаларини шакллантириш;
– кўргазмали ва ўқув физик тажрибаларни ўтказиш, “ўқувчи” нуқтаи назаридан тажрибанинг ўтказилганлиги хақидаги ҳисобот ёзиш малакаларини шакллантириш;
– ўқув физик тажриба тизимини танлашда хавфли холатларнинг юзага келишини олдиндан кўра олиш ва огохлантириш қобилиятини ривожлантириш.
Юқорида келтирилган (1.1 и 1.2) топшириқлар ўқитишнинг бошланғич босқичларида бажарилади ва илгарилаб бориш тавсифига эга, чунки талабалар хали физик тажриба усуллари ва услубларини батафсил ўрганмаган ва деярли мактаб физика хонасидаги жихозлари билан таниш эмас. Топшириқлар алохида мавзулар бўйича физик тажрибанинг бутун спектрини кўриш ва уни қўллашда фақат икки (кўргазмали ва лаборатория) тури билан чегараланмаслик имконини беради.
1 - Жадвал
“Математик маятник ёрдамида тебранишлар даври, эркин тушиш тезланиши ҳамда кинетик ва потенциял энергияларни аниқлаш” мавзуси бўйича ўқув физик тажриба тизими

Мактаб физика курси синфи ва мавзуси 7 – синф. Математик маятник ёрдамида тебранишлар даври, эркин тушиш тезланиши ҳамда кинетик ва потенциял энергияларни аниқлаш [3].
Асосий тажриба